లేటెస్ట్

ఎన్‌టిపిసి సిబిటి-1 ఫలితాల సందేహాలపై ఉన్నతస్థాయి కమిటీ: రైల్వే మంత్రిత్వశాఖ

సికింద్రాబాద్‌:రైల్యే రిక్రూట్‌మెంట్‌ బోర్డు (ఆర్‌ఆర్‌బీ) నాన్‌ టెక్నికల్‌ పాపులర్‌ కేటగిరీ (ఎన్‌టిపిసి)కి సంబంధించి సెంట్రలైజ్డ్‌ ఎంప్లాయిమెంట్‌ నోటిఫికేషన్‌ సీఈఎన్‌ కంప్యూటర్‌ ఆధారితం పరీక్ష (సిబిటీ) ఫలితాలకు సంబంధించి అభ్యర్థులు వ్యక్తం చేసిన సందేహాలను, ఆరోపణలను పరిశీలించేందుకు భారత రైల్వే మంత్రిత్వశాఖ అత్యున్నత కమిటీనీ ఏర్పాటు చేసినట్లు ఒక ప్రకటనలో తెలియజేసింది. ఇప్పటికే ఎంపిక చేసిన అభ్యర్థుల జాబితాపై ప్రభావం పడకుండా సిఈఎన్‌ 1వ దశ సీబీటీ ఫలితాలు మరియు 2వ దశ సీబీటి కోసం అభ్యర్థుల ఎంపికకు ఉపయోగించిన విధాన పద్ధతిని కమిటీ పరిశీలిస్తుంది. సీఈఎన్‌ ఆర్‌ఆర్‌సి 01/2019లో 2వ దశ సీబీటీ ప్రవేశపెట్టడానికి సంబంధించిన విషయాన్ని అభ్యర్థులు తమ సందేహాలను మరియు సూచనలను కమిటీకి దిగువ తెలిపిన ఈ మెయిల్‌ ద్వారా తెలియజేయవచ్చును. ప్రస్తుతం ఉన్న విధానాల ద్వారా అభ్యర్థుల ఫిర్యాదులను స్వీకరించాలని మరియు వాటిని ఈ కమిటీకి పంపాలని అన్ని ఆర్‌ఆర్‌బీల ఛైర్మన్లకు ఆదేశాలు జారీచేయబడ్డాయి. అభ్యర్థులు తమ సందేహాలను కమిటీ వారికి తెలియజేసేందుకు 16.02.2022 వరకు మూడు వారాల సమయం ఇవ్వబడుతుందని మరియు ఆ సందేహాలను పరిశీలించి వారి సిఫార్సులను కమిటీ 04.03.2022 తేదీలోగా అందజేస్తుంది. పై వాటి దృష్ట్యా 15 ఫిబ్రవరి 2022 నుండి ప్రారంభం కానున్న సీఈఎన్‌ 01/2019 యోక్క 2వ దశ సీబీటీ మరియు 23 ఫిబ్రవరి నుండి ప్రారంభం కానున్న సీఈఎస్‌ ఆర్‌ఆర్‌సి01/2019 యొక్క 1వ దశ సిబిటీ పరీక్షలు వాయిదా వేయబడినాయని ఆ ప్రకటనలో రైల్వే మంత్రిత్వశాఖ తెలియజేసింది.

కాగా రైల్వే పరీక్షల్లో అక్రమాలు జరిగాయని బీహార్‌లో జరుగుతున్న నిరసనలు హింసాత్మకంగా మారాయి. ఆగి ఉన్న రైల్వేకు కొందరు నిప్పు అంటించారు. మరి కొందరు రాళ్లు, కర్రలతో దాడి చేశారు. ఈ ఆందోళనలపై గయ ఎస్‌ఎస్‌పి ఆదిత్య కుమార్‌ స్పందించారు. రైలును తగలబెట్టిన కొందరిని అదుపులోకి తీసుకున్నామని ఆయన వెల్లడిరచారు. ప్రభుత్వ ఆస్తులను ధ్వంసం చేయవద్దని అభ్యర్థులకు ఆయన సూచించారు. మరో వైపు ఇటువంటి ఆందోళనలో పాల్గొన్న అభ్యర్థులపై జీవితకాలం నిషేదం విధిస్తామని, వారిని ఒక కంట కనిపెడుతున్నామని రైల్వే మంత్రిత్వశాఖ హెచ్చరించింది. ఎవరైతే అభ్యర్థులు ఇలాంటి అసాంఘిక కార్యక్రమాల్లో పాల్గొంటారో వారిపై క్రిమినల్‌ కేసులు నమోదు చేస్తామని తెలిపింది. అభ్యర్థులు ఆవేశాలకు లోనుకాకుండా సమయమనం పాటించాలని కోరింది.

  • ( 0)
  • -
  • ( 0)

అభిప్రాయాలూ