ఉత్తరాఖండ్ సిఎం రాజీనామా...!
ఉత్తరాఖండ్ ముఖ్యమంత్రి తీరత్ సింగ్ రావత్ తన పదవికి రాజీనామా చేస్తార‌ని తెలుస్తోంది. ఆయ‌న తన రాజీనామా లేఖ‌ను బిజెపి జాతీయ అధ్య‌క్షుడు జెపి న‌డ్డాకు పంపించిన‌ట్లు స‌మాచారం. ప్రమాణ స్వీకారం చేసిన ఆరు నెలలు కాక‌ముందే ఉత్తరాఖండ్ ముఖ్యమంత్రి తీరత్ సింగ్ రావత్ తన పదవికి రాజీనామా చేస్తున్న‌ట్లు ప్ర‌క‌టించ‌డం సంచ‌ల‌నం సృష్టిస్తోంది.
రాష్ట్ర నూతన ముఖ్యమంత్రిగా ప్రమాణ స్వీకారం చేసిన రావత్ శాసనసభకు ప్రాతినిధ్యం వ‌హించాల్సి ఉంటుంది. ఎంపీగా ఉన్నఎమ్మెల్యేగా ఎన్నిక కానందున ఆయ‌న చేత రాజీనామా చేయించాల‌ని బిజెపి పెద్ద‌లు నిర్ణ‌యించారు. ముఖ్యమంత్రిగా రావత్ ఎమ్మెల్యేగా ఎన్నిక కాక‌పోవ‌డంతో రాజ్యాంగ సంక్షోభం నెలకొనే ప‌రిస్థితులు ఉన్నందునే ఆయ‌న రాజీనామా చేయ‌బోతున్నారు. రాజ్యాంగం ప్రకారం, ప్రమాణ స్వీకారం చేసిన ఆరు నెలల్లో ఒక మంత్రి లేదా ముఖ్యమంత్రి రాష్ట్ర శాసనసభకు ఎన్నిక కావాలి.
