రోజాను అరెస్టు చేయాలి...!
సినీన‌టి, మాజీ మంత్రి ఆర్‌.కె.రోజా రెడ్డిని అరెస్టు చేయాల‌ని ప‌లు హిందూ సంస్థ‌లు డిమాండ్ చేస్తున్నాయి. తిరుమ‌ల ల‌డ్డూ క‌ల్తీ విష‌యంలో ప్ర‌పంచ‌వ్యాప్తంగా ఆందోళ‌న‌లు వ్య‌క్తం అవుతున్నాయి. ల‌డ్డూ క‌ల్తీకి అప్ప‌టి జ‌గ‌న్ ప్ర‌భుత్వం కార‌ణం కాగా..దానికి అప్ప‌టి టిటిడి పాల‌క‌మండ‌లి స‌భ్యులు, అప్ప‌టి ఇఓలు ప్ర‌ధాన కార‌కులు. అప్ప‌ట్లో చిత్తూరు జిల్లా మొత్తం రెడ్డి సామాజిక‌వ‌ర్గ హ‌వానే న‌డిచింది. జిల్లా క‌లెక్ట‌ర్‌, ఎస్పీ, డిఎస్పీలు, తుడా ఛైర్మన్, టిటిడి ఛైర్మన్, ఇఓ ఇలా ఒక‌టేమిటి సమ‌స్థం రెడ్ల చేతిలోనే. అప్ప‌ట్లో అధికారం వెల‌గ‌బెట్టిన ఈ సామాజిక‌వ‌ర్గ పెద్ద‌లు టిటిడిని దోచుకుతిన్నారు. క‌మీష‌న్ల కోసం, పెత్తనం కోసం, ఇష్టారాజ్యంగా దోపిడీకి, అరాచ‌కానికి పాల్ప‌డ్డారు. టిటిడిలో అంతా ఒకే సామాజిక వ‌ర్గం పెత్తనం చేస్తుంటే, అరాచ‌కం చేస్తుంటే..కేంద్రంలో ఉన్న పెద్ద‌లు క‌నీసం ఒక్క‌సారి కూడా వారిని హెచ్చ‌రించలేదు. అప్ప‌ట్లోనే ఈ అరాచ‌కంపై హెచ్చ‌రిక‌లు చేసి ఉంటే..ఇప్పుడు ఇంత అన‌ర్థం జ‌రిగి ఉండేది కాదు. మంత్రిగా ఉన్న ఆర్‌.కె.రోజా..రోజూ వంద‌ల సంఖ్య‌ల్లో ద‌ర్శ‌నాల కోసం జ‌నాల‌ను తీసుకెళుతున్న వైనంపై మీడియా క‌థ‌నాలు ప్ర‌సారం చేసినా..స్పందించిన నాధుడే లేడు. అస‌లు ఆమె ఎందుకు అంత‌మందిని తీసుకెళ్లారు..? దీని వెనుక ఉన్న మ‌త‌ల‌బు ఏమిటి...? అప్ప‌ట్లో మీడియాలో వ‌చ్చిన‌ట్లు ఆమె సొమ్ముల కోసం వారికి ద‌ర్శ‌నాలు చేయించారా..? లేక ఇంకేమైనా ర‌హ‌స్య, నిగూఢమైన విష‌యాలు ఉన్నాయా..? ఆమె ప్ర‌తివారం..లేక పోతే వారంలో మూడు రోజులూ..తిరుమ‌ల‌లో తిష్ట‌వేసి..మంద‌లు..మంద‌లుగా జ‌నాల‌ను ఎందుకు తిరుమ‌ల‌కు తెచ్చార‌నే దానిపై కూట‌మి ప్ర‌భుత్వం విచార‌ణ జ‌రిపించాలి. ఆమె విష‌యం తేలిస్తే..మిగ‌తా విష‌యాలు దానంత‌ట అవే బ‌య‌ట‌కు వ‌స్తాయి. టిటిడి ఇఓ, టిటిడి ఛైర్మన్ ఆస్తుల‌పై విచార‌ణ జ‌రిపించాలి. అదే స‌మ‌యంలో టిటిడిబోర్డు మెంబ‌ర్ల ఆస్తుల‌పై కూడా విచార‌ణ చేయించాలి. కొంత మంది వంద‌ల కోట్లు పోగేసుకున్నార‌నే ఆరోప‌ణ‌లు ఉన్నాయి. అదే స‌మ‌యంలో..టిటిడి ఇఓగా ధ‌ర్మారెడ్డి, టిటిడి ఛైర్మ‌న్‌గా సుబ్బారెడ్డి ఢిల్లీ కేంద్రంగా చేసిన పైర‌వీల‌పై విచార‌ణ జ‌రిపించాలి. టిటిడి ఇఓ, టిటిడి ఛైర్మ‌న్‌గా వీరిద్ద‌రూ ఢిల్లీలో ఎవ‌రెవ‌రిని ప్ర‌భావితం చేశార‌నే దానిపై స‌మ‌గ్ర‌మైన ధ‌ర్యాప్తు చేసి వీరిని అరెస్టు చేయాల్సిన అవ‌స‌రం ఉంది. అదే స‌మ‌యంలో తిరుమ‌ల గుడిలో రాజ‌కీయ ప్ర‌క‌ట‌న‌లు, అస‌భ్య‌ప‌ద‌జాలాన్ని ఉప‌యోగించిన రోజాను అరెస్టు చేయాలి.
