సినీ నటుడు 'శివాజీ' అరెస్టు...!
సినీ నటుడు 'శివాజీ'ని శంషాబాద్‌ పోలీసులు అరెస్టు చేశారు. ఆయన ఈ రోజు హైదరాబాద్ నుంచి అమెరికా వెళ్లేందుకు ఎయిర్‌పోర్టుకు వచ్చినప్పుడు ఆయనను పోలీసులు అరెస్టు చేశారు. అలందా మీడియా పెట్టిన కేసులో 'శివాజీ' నిందితుడుగా ఉన్నారు. ఆయనపై లుక్‌అవుట్‌ నోటీసులు ఉన్నాయి. దీంతో ఎయిర్‌పోర్టుకు వచ్చిన 'శివాజీ'ని పోలీసులు అరెస్టు చేసి సిసిఎస్‌ స్టేషన్‌కు తరలించారు. టివి9 మాజీ సిఇఒ రవిప్రకాష్‌, శివాజీలు ఇద్దరు కలసి 'అలందా' మీడియాకు సంబంధించిన పత్రాలను ఫోర్జరీ చేసినట్లు ఆ సంస్థ యాజమాన్యం పోలీసులకు ఫిర్యాదు చేసింది. ఈ కేసుల్లో విచారణకు హాజరు కావాలని 'శివాజీ'కి తెలంగాణ పోలీసులు నోటీసులు జారీ చేశారు. అయితే 'శివాజీ' మాత్రం ఆ నోటీసులకు జవాబు ఇవ్వకుండా, విచారణకు హాజరుకాకుండా తప్పించుకుతిరుగుతున్నారు. దీంతో పోలీసులు లుక్‌అవుట్‌ నోటీసులు జారీ చేయగా..ఈ రోజు అమెరికా వెళుతున్న 'శివాజీ'ని పోలీసులు పట్టుకుని అరెస్టు చేశారు.
