లేటెస్ట్

ఓడితేనే 'చంద్రబాబు'కు కార్యకర్తలు గుర్తుకొస్తారా...!?

'చంద్రబాబు' ఎప్పుడూ ఇంతే....! అధికారంలో ఉన్నప్పుడు...వారిని పట్టించుకోడు...అధికారం పోయిన మరుక్షణమే తానేదో ఉద్దరిస్తానని బయలు దేరతాడు. టిడిపి ఘోరపరాజయం తరువాత మళ్లీ ఇప్పుడు టిడిపి అధినేత 'చంద్రబాబు' పాతపాటే ఎత్తుకున్నారు. కార్యకర్తలకు అన్యాయం చేయను...వారిని ఆదుకుంటానని చెబుతుంటే...చాలా మంది కార్యకర్తలు, సానుభూతిపరులు ఇదే మాట అంటున్నారు. ఆయనకు అధికారం ఉన్నప్పుడు మనం గుర్తుకు రాలేదు..ఎంత సేపు అధికారులు, ఆయన మంది మాగాదులు, మంత్రులు, ఎమ్మెల్యేలు, ఇతర నాయకులు తప్ప...క్షేత్రస్థాయిలో పనిచేసే కార్యకర్తలను కలుసుకోవడానికి తీరికేలేదు..కార్యకర్తలను పట్టించుకోమని..అడిగితే పట్టించుకున్న నాధుడే లేడు...ఆయన బాటలోనే మంత్రులు, ఎమ్మెల్యేలు..వ్యవహరించారు...ఇప్పుడు అధికారం పోయిన తరువాత..మాత్రం మళ్లీ ఉద్ధరిస్తానని బయలు దేరారు. ఎన్నిసార్లు ఆయనను నమ్ముతాం...1994లో ఘన విజయం తరువాత...పార్టీలో కార్యకర్తలను ఎన్టీఆర్‌ పట్టించుకోవడం లేదని 'చంద్రబాబు' తదితరులు ప్రచారం చేస్తే...పార్టీ వ్యవస్థాపకుడిని దించినా సహకరించాం...కానీ...తరువాత అధికారంలో ఉన్న తొమ్మిదేళ్లు 'బాబు' కార్యకర్తలకు చేసిందేమిటి..? ఎప్పుడూ అధికారులు, ఐటి,బిటీ అంటూ...కార్యకర్తలకే విసుగు చెందేలా ప్రవర్తించి 2004లో ఘోరపరాజయాన్ని మూటగట్టుకున్నారు. 

2004లో ఓడిపోయిన తరువాత...మళ్లీ కార్యకర్తలకే పెద్దపీట వేస్తాను..అంటూ...పెద్ద పెద్ద మాటలు చెపితే కార్యకర్తలంతా పార్టీ కోసం...మళ్లీ పార్టీ అధికారంలోకి వచ్చే వరకు అహోరాత్రులు శ్రమించి పనిచేశారు. వారి శ్రమ ఫలించి 2014లో అధికారంలోకి వస్తే...మళ్లీ వారిని నిరాశకు గురి చేస్తూ..ఎప్పటి వలే అధికారులు, సమీక్షలు,సమావేశాలంటూ..వారిని తృణీకరించారు. గతంలో చేసిన పొరపాట్ల నుంచి గుణపాఠాలు నేర్చుకోకుండా...క్షేత్రస్థాయిలో ఏమి జరుగుతుందో గుర్తించకుండా పైపైన అంతా బాగుందని, తమ్ముళ్లు పనిచేసి మళ్లీ గెలిపిస్తారని ఎన్నికల్లో బోల్తాపడిన తరువాత...మళ్లీ ఇప్పుడు కార్యకర్తల ఊసెత్తుతున్నారని..వీరిని నమ్మి పనిచేసేదెవరని క్షేత్రస్థాయిలో పనిచేసి కార్యకర్తలు ప్రశ్నిస్తున్నారు. అధికారంలో ఉన్ననాళ్లు తండ్రీ, కొడుకులు, మంత్రులు, సీనియర్‌ నాయకులు...కార్యకర్తలను ఛీదరించి కొట్టిన విషయాన్ని వాళ్లు అంత తేలిగ్గా మరిచిపోతారా..? మంత్రులు, ఎమ్మెల్యేలు..కార్యకర్తలను ఎలా వాడుకుని వదిలేశారో...అధినేతకు తెలియదా..? గెలిస్తే...అధికారులు, మందిమాగాధులు, పైరవీకారులతో సమావేశమయ్యే 'చంద్రబాబు'కు ఓడిపోతే..మాత్రమే కార్యకర్తలు గుర్తుకు వస్తారా..? ఆయనను ఎలా నమ్మాలని పలువురు కార్యకర్తలు ప్రశ్నిస్తున్నారు. అధికారంలో ఉన్నప్పుడు కార్యకర్తలను పట్టించుకోని...అధినేతకు ఇప్పుడు తామెందుకు అండగా ఉండాలని కొందరు కార్యకర్తలు ప్రశ్నిస్తున్నారు. అధికారం కోల్పోయిన ప్రతిసారి అధినేత..ఇదే మాట..చెబుతారు.. అధికారంలోకి వచ్చిన తరువాత...అందరికీ న్యాయం చేస్తానని...కానీ ఇటీవల దాకా జరిగిందాన్ని ఎవరు అంత తేలిగ్గా మరిచిపోతారు. ఐదేళ్లు అధికారంలో ఉండి...నామినేటెడ్‌ పదవులను కూడా భర్తీ చేయకుండా కాలాన్ని గడిపేసిన తండ్రీకొడుకుల మాటలను కార్యకర్తలు నమ్ముతారా..? ఏమో..పసుపు జెండా పట్టిన ప్రతికార్యకర్త...చచ్చేదాకా...ఆ జెండానే అంటిపెట్టుకుని..ఉండాలని కోరుకుంటారు..కానీ తండ్రీ కొడుకుల వ్యవహారంతో...ప్రతికార్యకర్త తల్లడిల్లుతున్నారు.ఈసారైనా తమ అధినేతకు మంచి బుద్ది ప్రసాదించాలని వారంతా కోరుతున్నారు. 

(474)
  • (0)
  • -
  • (0)

అభిప్రాయాలూ