లేటెస్ట్

తెలుగు రాష్ట్రాల బాధ్యునిగా....'సుజనాచౌదరి'...!

ఇటీవలే తెలుగుదేశం పార్టీని వీడి...బిజెపిలో చేరిన కేంద్ర మాజీ మంత్రి 'సుజనాచౌదరి'కి బిజెపి పెద్దలు..తెలుగు రాష్ట్రాల బాధ్యతలు అప్పచెప్పబోతున్నారని ఢిల్లీ రాజకీయ వర్గాల్లో ప్రచారం జరుగుతోంది. తెలుగు రాష్ట్రాల్లో బిజెపిని బలపరిచేందుకు 'సుజనాచౌదరే' సరైన వ్యక్తి..అని..ఆయన ఆధ్వర్యంలో తెలుగు రాష్ట్రాల్లో బిజెపి పుంజుకుంటుందని దీనికి ఆయనే సమర్థుడని బిజెపి పెద్దలు భావిస్నున్నారట. ఆర్థికంగా, సామాజిక పరంగా ఎదురులేని 'సుజనాచౌదరి'కి రెండు రాష్ట్రాల బాధ్యతలు అప్పచెబుతారని తెలుస్తోంది. అయితే ఆయనకు ముందుగా కేంద్ర మంత్రి పదవి అప్పచెప్పి... తరువాత...రెండు రాష్ట్రాల్లో పార్టీని బలోపేతం చేయాలని ఆదేశిస్తారని ఆ వర్గాలు చెబుతున్నాయి. టిడిపి ప్రతిపక్షంలో ఉన్నప్పుడు..ఆ పార్టీలో చేరిన 'సుజనా' తరువాత...ఆ పార్టీని అధికారంలోకి తెచ్చేందుకు తనదైన రీతిలో పనిచేసి సఫలీకృతులయ్యారు. 2004 నుంచి 2014 వరకు టిడిపిలో నెంబర్‌టూగా ఆయన అన్నీతానై వ్యవహరించి పార్టీని బలోపేతం చేసి..పార్టీని అధికారంలోకి తేగలిగారు. ప్రతిపక్షనేతగా 'చంద్రబాబు' వ్యవహరిస్తూ బిజీగా ఉంటే 'సుజనా' పార్టీ నాయకులు, కార్యకర్తలను కలుసుకుని..పార్టీని పటిష్టం చేయడం, పార్టీకి ఆర్థిక వనరులు, ఇతర అవసరాలను చూసి...'చంద్రబాబు'కు శ్రమ తగ్గించారు. బ్యాక్‌ ఎండ్‌లో 'సుజనా' తదితరులు పనిచేయడం వల్లే...2014లో టిడిపి అధికారంలోకి రాగలిగింది. 

2014 ఎన్నికలకు నాలుగు నెలల వరకు టిడిపి అధికారంలోకి వచ్చే పరిస్థితి లేకపోయినా...'సుజనాచౌదరి' చాణక్యం వల్లే...టిడిపి ఆ ఎన్నికల్లో విజయం సాధించగలిగింది. క్షేత్రస్థాయిలో 'సుజనా' పర్యటిస్తూ..పార్టీ ఎక్కడ బలహీనంగా ఉందో..నాయకులు ఎక్కడ బలహీనంగా ఉన్నారో...తెలుసుకుని...వారిని బలోపేతం చేశారు. పార్టీ అభ్యర్థులు బలహీనంగా ఉన్నచోట్ల..అవసరమైన ఆర్థిక, ఇతర అవసరాలను తీర్చి..వారిని పోటీలోకి తెచ్చారు. దీంతో గెలవలేమ నుకున్న టిడిపి ఆఖరి నిమిషంలో రేసులోకి వచ్చి...వైకాపాను ఓడించగలిగింది. 'చౌదరి' వల్లే టిడిపి చాలా చోట్ల కొద్ది మెజార్టీతో గెలవగలిగిందని, ఆయన వైకాపాకు చాలా నష్టం చేశారని...తరువాత వైకాపా నాయకులు వాపోయారు. మొత్తం మీద...గతంలో టిడిపి ప్రతిపక్షంలో ఉన్నప్పుడు దాన్ని బలోపేతం చేసి..అధికారంలోకి తీసుకువచ్చిన వ్యక్తిగా గుర్తింపు పొందిన 'చౌదరి'కి ఇప్పుడూ అలాంటి బాధ్యతను అప్పచెప్పాలని బిజెపి పెద్దలు ఆలోచిస్తున్నారట. రెండు తెలుగు రాష్ట్రాల్లో బిజెపిని అధికారంలోకి తేవాలంటే 'చౌదరి'కే సాధ్యం అవుతుందని, ఆయనకు త్వరలోనే ఈ బాధ్యతలు అప్పచెబుతారని ఆ వర్గాలు చెబుతున్నాయి. ఏది ఏమైనా సమర్థుడు, ఫలితాలను సాధించగలిగిన 'చౌదరి'ని బిజెపి బాగానే వాడుకుంటుందని బిజెపి వర్గాలు వ్యాఖ్యానిస్తున్నాయి.

(528)
  • (0)
  • -
  • (0)

అభిప్రాయాలూ