ABN పెంచిన మొక్క..వాళ్ల‌పైనే తిరగ‌బ‌డుతోందా...!?
తిరువూరు టిడిపి ఎమ్మెల్యే కొలిక‌ల‌పూడి శ్రీ‌నివాస‌రావు వ్య‌వ‌హారం టిడిపిలో ఇప్పుడు పెద్ద దుమారం రేపుతోంది. ఆయ‌న వ్య‌వ‌హార‌శైలితో ఓ మ‌హిళ ఆత్మ‌హ‌త్య‌కు ప్ర‌య‌త్నించ‌డం, కొలిక‌ల‌పూడికి వ్య‌తిరేకంగా పార్టీ కేంద్ర కార్యాల‌యం వ‌ద్ద టిడిపి శ్రేణులు నిర‌స‌న తెల‌ప‌డం, ఆయ‌న‌ను త‌ప్పించి పార్టీ ఇన్‌ఛార్జిగా వేరేవారిని నియ‌మించాల‌ని డిమాండ్ చేయ‌డం టిడిపిలో స‌ర్వ‌త్రా చ‌ర్చ‌కు కార‌ణ‌మవుతోంది. మూడు నెల‌ల క్రితం ఎమ్మెల్యేగా ఎన్నికైన కొలిక‌ల‌పూడి వ్య‌వ‌హార‌శైలితో నియోజ‌క‌వ‌ర్గంలోని టిడిపి నాయ‌కులు, కార్య‌క‌ర్త‌లు తీవ్ర అసంతృప్తి వ్య‌క్తం చేస్తున్నారు. స్వంత పార్టీ నేత‌లు, నాయ‌కుల‌పైనే కొలిక‌ల‌పూడి బెదిరింపుల‌కు దిగుతున్నార‌ని, అస‌భ్య‌ప‌ద‌జాలాన్ని వాడుతూ దూషిస్తున్నార‌ని వారు పార్టీ అధిష్టానికి ఇప్ప‌టికే ఫిర్యాదు చేశారు. రాష్ట్ర పార్టీ అధ్య‌క్షుడు ప‌ల్లా శ్రీ‌నివాస‌రావును తిరువూరు నేత‌లు క‌లుసుకుని ఆయ‌న‌పై ఫిర్యాదుచేయ‌డంలో పార్టీ ఆయ‌న‌ను పిలిపించి విచారించ‌నుంది. కేవ‌లం బెదిరింపులు, దూష‌ణ‌లే కాకుండా మ‌హిళ‌ల‌ను లైంగికంగా వేధిస్తున్నారనే ఆరోప‌ణ‌లు కూడా స‌ద‌రు ఎమ్మెల్యేపై వ‌స్తున్నాయి. పార్టీలో ఆయ‌న వ్య‌తిరేకులు ఆయ‌న‌పై చేస్తోన్న ఆరోప‌ణ‌లు టిడిపి అధిష్టానానికి చికాకులు సృష్టిస్తున్నాయి. టిడిపి ప్ర‌తిప‌క్షంలో ఉండ‌గా, హైద‌రాబాద్‌లో ఉండే కొలిక‌ల‌పూడి శ్రీ‌నివాస‌రావు టిడిపికి మ‌ద్ద‌తు, రాజ‌ధాని అమ‌రావ‌తికి మ‌ద్దుతుగా వివిధ టీవీ ఛానెల్స్‌లో మాట్లాడుతూ వెలుగులోకి వ‌చ్చారు. ముఖ్యంగా ఏబీఏన్‌, టివి5లో ఆయ‌న ఎక్కువ‌గా క‌నిపించేవారు. రాజ‌ధాని అమ‌రావ‌తికి మ‌ద్ద‌తుగా ఆయ‌న పాద‌యాత్ర కూడా నిర్వ‌హించారు. అదే స‌మ‌యంలో..వై.ఎస్‌.జ‌గ‌న్ విధానాల‌ను తూర్పారా ప‌డుతూ దూకుడుగా వ్య‌వ‌హ‌రించారు. ఏబీఎన్ నిర్వ‌హించిన ఓ చ‌ర్చా కార్య‌క్ర‌మంలో బిజెపి నేత విష్ణువ‌ర్ధ‌న్‌రెడ్డిపై చెప్పుతో దాడి చేశారు. అప్ప‌ట్లో ఆయ‌న దాడి టిడిపి, అమ‌రావ‌తి అనుకూల‌రుకు సంతోషాన్ని ఇచ్చింది.
ఈ నేప‌థ్యంలో రాజ‌ధాని వాసులు, టిడిపి వాళ్లు కొంత మంది ఆయ‌న‌కు అభిమానులుగా మారారు. ప్ర‌జ‌ల్లో ఆయ‌న‌కు వస్తోన్న ఫీడ్‌బ్యాక్‌ను గ‌మ‌నించిన టిడిపి అధినేత ఆయ‌న‌కు తిరువూరు అసెంబ్లీ టిక్కెట్‌ను కేటాయించారు. టిడిపి గాలిలో ఆయ‌న సునాయాసంగా విజ‌యం సాధించారు. అయితే ఎమ్మెల్యే అయిన త‌రువాత ఆయ‌న తీరు ఒక్క‌సారిగా మారిపోయింది. త‌న‌కంటే..వ్యూహ‌క‌ర్తలు లేన‌ట్లు.. వ్య‌వ‌హ‌రిస్తున్నారు. వైకాపా నాయ‌కుని చెందిన ఇంటిని తాను స్వ‌యంగా బుల్‌డోజ‌ర్‌తో ప‌డ‌గొట్టించే చ‌ర్య‌ల‌కు పాల్ప‌డ్డారు. దీనిపై పార్టీ అధినాయ‌క‌త్వం ఆయ‌న‌ను హెచ్చ‌రించింది.అయితే..ఇప్పుడే ఎమ్మెల్యే ప‌దవికి రాజీనామా చేసి మ‌ళ్లీ విజ‌యం సాధిస్తాన‌ని ప్ర‌క‌టించారు. ఇది ఇలా ఉండ‌గానే..ఆయ‌న నియోజ‌క‌వ‌ర్గ టిడిపి ముఖ్య‌నేత‌లు, పార్టీ కార్య‌క‌ర్త‌లు, మ‌హిళ‌ల‌పై నోరు పారేసుకుంటున్నార‌ని, ఇసుక వ్యాపారంలో త‌ల‌దూర్చార‌నే ఆరోప‌ణ‌ల‌తో పాటు మ‌హిళ‌ల‌ను లైంగికంగా వేధిస్తున్నారనే ఆరోప‌ణ‌లు వ‌స్తున్నాయి. దీంతో..ఆయ‌న వ్య‌వ‌హారం పార్టీకి త‌ల‌పోటుగా ప‌రిణ‌మించింది. కాగా...ఏబీఎన్ ఛానెల్ ద్వారా ప్ర‌జ‌ల‌కు ప‌రిచ‌య‌మైన ఆయ‌న చివ‌ర‌కు ఆ ఛానెల్‌కు సంబంధించిన ఆంధ్ర‌జ్యోతి విలేక‌రిపైనే బెదిరింపుల‌కు పాల్ప‌డుతున్నారు. ఇదే త‌రుణంలో ఇత‌ర ప‌త్రిక‌ల‌కు చెందిన వారిని కూడా బెదిరిస్తున్నారు. ఈ క్ర‌మంలో స్థానిక విలేక‌రులంతా ఆయ‌న‌పై చ‌ర్య‌లు తీసుకోవాల‌ని డిమాండ్ చేస్తున్నారు. మొత్తం మీద..ఏబీఎన్ పెంచిన మొక్క..ఇప్పుడు..వాళ్ల‌పైనే తిర‌గ‌బ‌డుతోంది. కాగా అగ్నిప‌ర్వ‌తం ప్రేలే ముందు మౌనంగా ఉంటుంద‌ని, అది పేలిన త‌రువాతే..దాని తీవ్ర‌త తెలుస్తుంద‌ని ఫేస్‌బుక్ వేదిక‌గా కొలిక‌ల‌పూడి ఒక పోస్టు పెట్టారు. అంటే..త్వ‌ర‌లోనే ఆయ‌న టిడిపి అధిష్టానానికి, ఏబీఎన్‌కు వ్య‌తిరేకంగా మాట్లాడేందుకు సిద్ధం అవుతున్న‌ట్లుంది. చూద్దాం..ఏమి జ‌రుగుతుందో..!?
