మ‌ళ్లీ మ‌ళ్లీ అవే త‌ప్పులు...!?
రాజ‌ధాని అమ‌రావ‌తి విష‌యంలో ముఖ్య‌మంత్రి చంద్ర‌బాబునాయుడు గ‌తంలో చేసిన త‌ప్పుల నుంచి పాఠాలు నేర్చుకున్న‌ట్లు క‌నిపించ‌డం లేదు. గ‌తంలో చేసిన త‌ప్పుల‌ను మ‌ళ్లీ మ‌ళ్లీ చేస్తున్నార‌నే విమ‌ర్శ‌లు వ‌స్తున్నాయి. గ‌త ఐదేళ్ల‌ల్లో జ‌గ‌న్ రాజ‌ధాని అమ‌రావ‌తిని చంపేస్తే, ఈ ప్రాంత ప్ర‌జ‌ల‌తో పాటు, రాష్ట్ర ప్ర‌జ‌లంద‌రూ అమ‌రావ‌తే రాజ‌ధాని ఉండాల‌ని ప్రాంతాల‌కు అతీతంగా ఎన్నిక‌ల్లో తీమ తీర్పును విస్ప‌ష్టంగా ఇచ్చారు. ప్ర‌జ‌ల తీర్పుతో ఇప్ప‌టి వ‌ర‌కూ రాజ‌ధాని అమ‌రావ‌తిపై ఉన్న అనుమానాల‌న్నీ తీరిపోయాయి. ఇక రాజ‌ధాని నిర్మాణంలో వేగం పుంజుకుంటుంద‌ని, అతి త్వ‌ర‌గానే..రాజ‌ధాని క‌ల సాకారం అవుతుంద‌ని భావిస్తే..దానికి విరుద్ధంగా రాజ‌ధానిలో ప‌నులు నెమ్మ‌దిగా కూడా ప్రారంభం కాలేదు. రాజ‌ధాని సంగ‌తి త‌రువాత..క‌నీసం క‌ర‌క‌ట్ట‌రోడ్డునైనా విస్త‌రిస్తారనుకుంటే..దాని సంగ‌తి కూడా చూడ‌డం లేదు. ప్ర‌తిరోజూ అమ‌రావ‌తి స‌చివాల‌యానికి వ‌చ్చే వారికి ఈ క‌ర‌క‌ట్ట రోడ్డే దిక్కు. దీని వ‌ల్ల ఎన్నో ప్ర‌మాదాలు జ‌రుగుతున్నా..దీనిపై అంతులేని జాప్యం చేస్తున్నారు. సీడ్‌యాక్సెస్ రోడ్డు నుంచి రెండు లేదా మూడు కిలోమీట‌ర్ల ర‌హ‌దారిని పూర్తిచేయ‌డంలో గ‌తంలోనూ విఫ‌ల‌మ్యారు. ఇప్పుడు అదే దారిలో న‌డుస్తున్నారు. ఈ సీటు యాక్సెస్ రోడ్డును కొన‌సాగించ‌డానికి కొందరు రైతులు భూములు ఇవ్వ‌డం లేద‌ని చెబుతున్నారు. భూములు ఇవ్వ‌ని రైతుల‌ను ఒప్పించి భూములు తీసుకుంటామ‌ని మంత్రి నారాయ‌ణ చెబుతున్నారు. అయితే..అది అయ్యే ప‌నిలా క‌నిపించ‌డం లేదు. వాళ్లు కోరే కోర్కెలు తీర్చ‌డం అయ్యే ప‌నికాదు. వాళ్లుకోరుతున్న‌ట్లు గ్రీన్‌జోన్‌ను ర‌ద్దు చేయ‌డం లేదా కుదించ‌డం చేయాలి. దీని వ‌ల‌న..రాజ‌ధాని మాస్ట‌ర్‌ప్లాన్‌పైనే తీవ్ర ప్ర‌భావం ప‌డుతుంది. రైతుల నుంచి ల్యాండ్ పూలింగ్ కింద భూములు తీసుకోవ‌డం కుద‌ర‌క‌పోతే..భూసేక‌ర‌ణ కింద భూముల‌ను తీసుకోవాలి. అయితే..ఇక్క‌డ వారి నుంచి భూములు భూసేక‌ర‌ణ కింద తీసుకుంటే..మంత్రి లోకేష్‌కు రాజ‌కీయంగా ఇబ్బంది అవుతుంద‌నే భ‌యంతో..ఈ ప‌క్రియ‌ను చేయ‌డం లేద‌ని, వారిని ఎలాగైనా...ల్యాండ్ ఫూలింగ్ కింద‌కు తీసుకురావాల‌నుకోవ‌డంతో..స‌మ‌యం వృధా అవుతోంది.
అప్పుడే మూడు నాలుగు నెల‌లు పూర్త‌య్యాయి. స‌కాలంలో రాజ‌ధాని ప‌నులు మొద‌లు కాక‌పోతే..మ‌రోసారి గ‌త‌మే పున‌రావృతం అవుతుంది. గ‌తంలో ఇలా స‌మ‌యం వృధా చేసే..రాజ‌ధాని విష‌యంలో చంద్ర‌బాబు తీవ్ర విమ‌ర్శ‌లకు గుర‌య్యారు. అప్ప‌ట్లో వేగంగా రాజ‌ధాని ప‌నులు చేసి ఉంటే..క‌నీసం అక్క‌డ ఎమ్మెల్యేలు, ఎంపీలు, జ‌ర్న‌లిస్టులు, ఇత‌ర వ‌ర్గాల‌కు భూములు కేటాయించి వారికి ఇళ్లు నిర్మించి జ‌న‌సంచారం మొద‌లైతే..ప‌రిస్థితి వేరే ఉండేది. వేగంగా ప‌నులు చేయ‌క‌పోవ‌డం..ఇత‌ర వ‌ర్గాల‌ను రాజ‌ధానిలో ఇళ్లు నిర్మించుకోవ‌డానికి వెంట‌నే అనుమ‌తులు ఇవ్వ‌క‌పోవ‌డం వ‌ల్లే ప‌రిస్థితి అప్ప‌టి ప్ర‌తిప‌క్ష‌పార్టీ బాగా ఉప‌యోగించుకుంది. ఇప్పుడూ అవే త‌ప్పులు జ‌రుగుతున్నాయి. తాజాగా మున్సిప‌ల్ మంత్రి నారాయ‌ణ‌కు, సిఆర్‌డిఏ క‌మీష‌న‌ర్ కాటంనేని భాస్క‌ర్‌కు మ‌ధ్య విభేదాల‌తో ప‌నులు మ‌రీ నీర‌సంగా జ‌రుగుతున్నాయి. టిడిపి అధికారంలోకి వ‌చ్చిన త‌రువాత కేవ‌లం రాజ‌ధానిలో ఉన్న పిచ్చిమొక్క‌లను మాత్ర‌మే తీసివేస్తున్నారు. అంత‌కంటే..ఇంకేం ప‌నులు జ‌ర‌గ‌లేదు. మంత్రి, క‌మీష‌న‌ర్ మ‌ధ్య నెల‌కొన్న ఆధిప‌త్య‌పోరు.. ఏ ద‌రికి చేరుతుందో..తెలియ‌దు. ఒక‌వేళ సిఆర్‌డిఏ క‌మీష‌న‌ర్‌ను తొల‌గిస్తే..మ‌రొక‌రు..రావాల్సి ఉంటుంది. వ‌చ్చే అధికారి ఏర‌కంగా ప‌నిచేస్తారో..తెలియ‌దు..? ఒక ప‌ద్ద‌తిగా ప‌నిచేసే అధికారిని కాద‌ని, త‌న‌కు వ్య‌క్తిగతంగా ఇష్టుడైన మంత్రితోనే ప‌నులు చేయించుకోవాల‌నే భావ‌న ముఖ్య‌మంత్రిలోఉండే...రాజ‌ధాని ప‌నులు మ‌రింత ఆల‌స్యం అవ‌డం ఖాయం. గ‌తంలో చేసిన పొర‌పాట్ల నుంచి పాఠాలు నేర్చుకోపోగా..మ‌ళ్లీ మ‌ళ్లీ అవే త‌ప్పులు చేస్తే.. ఆ న‌ష్టం రాజ‌కీయంగా భారీగానే ఉంటుంది.
