లేటెస్ట్

'జగన్‌' స్పీడ్‌ను అందుకోలేకపోతున్న ఐఎఎస్‌ అధికారులు...!

రాష్ట్ర ముఖ్యమంత్రి వై.ఎస్‌.జగన్మోహన్‌రెడ్డి ఆలోచనలకు తగ్గట్లు కొందరు ఐఎఎస్‌ అధికారులు పనిచేయలేకపోతున్నారట. ముఖ్యమంత్రి వేగంగా పనిచేస్తుంటే కొందరు ఐఎఎస్‌ అధికారులు నిర్లక్ష్యంగా, నిర్లిప్తంగా పనిచేస్తున్నారని, సిఎం ఆశించిన విధంగా వారు పనిచేయడం లేదని సిఎంఒ వర్గాలు కూడా భావిస్తున్నాయి. కొందరు ఐఎఎస్‌లు తాము చేయాల్సిన పనులను పట్టించుకోవడం లేదని, ముఖ్యమంత్రి మార్గనిర్దేశం చేసినా..పట్టనట్లు వ్యవహరిస్తున్నారని, ఆయన పదే పదే చెబుతున్నా...ఆయనను అందుకోలేకపోతున్నారు. ఇటీవల రాష్ట్రంలో విత్తనాల సమస్యతో రైతులు రోడ్ల మీదకు వస్తే...దానిని పరిష్కరించాల్సిన అధికారులు సరైన రీతిలో వ్యవహరించలేదని సిఎం భావించారని తెలుస్తోంది. విత్తనాలకు సంబంధించి ముందస్తు చర్యలు తీసుకోలేదని, ఆ విషయం తన దృష్టికి అధికారులు తేలేకపోయారని, తన దృష్టికి ఆ సమస్య వస్తే...పరిష్కారమార్గాలు చూపించేవాడినని ఆయన అన్నారని తెలుస్తోంది. అధికారులు సమస్యను పరిష్కరించడం కోసం ముందుకు రాలేదని, అదే సమయంలో తన దృష్టికి కూడా తీసుకు రాలేదని, ఇలా అయితే సమస్యలు ఎలాపరిష్కారం అవుతాయని, ఈపరిస్థితి మారాలని ఆయన గట్టిగానిర్ణయం తీసుకున్నారట. అధికారుల పోస్టింగ్‌లు, బదిలీలు విషయంలో ఎమ్మెల్యేలు, మంత్రులు వ్యవహారశైలి వల్లే పనిచేయని అధికారులకు పోస్టింగ్‌లు ఇవ్వాల్సి వచ్చిందని, పనిచేయని అధికారులపై త్వరలో చర్యలు తీసుకుంటానని ఆయన హెచ్చరిస్తున్నారట. మొత్తం మీద...రెండు నెలల లోపే అధికార వ్యవస్థపై ముఖ్యమంత్రి జగన్మోహన్‌రెడ్డి ఒక అంచనాకు వచ్చారని, ఆయన స్పీడ్‌ను అందుకోలేని అధికారులను ఆయన పక్కన పెడతారని ఆయన సన్నిహితులు చెబుతున్నారు. 

(249)
  • (0)
  • -
  • (0)

అభిప్రాయాలూ