లేటెస్ట్

గ్రేటర్‌ ఎన్నికల్లో టిఆర్‌ఎస్‌కు 'జగన్‌' ప్రచారం...!

ఆసక్తికరమైన వార్త....! ఒకప్పుడు...తెలంగాణలో 'జగన్‌'ను తరిమి తరిమి కొట్టిన 'టిఆర్‌ఎస్‌' శ్రేణులు ఇప్పుడు...అదే 'జగన్‌'తో తమ పార్టీకి ప్రచారం చేయించుకోవాలనే ఆలోచనతో ఉన్నాయట. ఈ రోజు హైదరాబాద్‌లో ఎటువంటి ముందస్తు ప్రకటన లేకుండా...తెలంగాణ ముఖ్యమంత్రి కెసిఆర్‌, ఆంధ్రా ముఖ్యమంత్రి 'జగన్‌'తో భేటీ కావడంపై..పలురకమైన వార్తలు వస్తున్నాయి. వారు..ఉమ్మడి ఆస్తుల పంపకం కోసం సమావేశమయ్యారని ప్రచారం జరుగుతున్నా...వారు చర్చించింది..రాజకీయాల గురించేననే వారి సన్నిహితులు చెబుతున్నారు. ఇద్దరూ సుమారు మూడు గంటల పాటు సమావేశమై..రాబోయే రోజుల్లో బిజెపి నుంచి ఎదురయ్యే సవాల్‌ను ఎలా ఎదుర్కోవాలనే దానిపై చర్చించారనేది ఆ వర్గాల నుంచి అందుతోన్న సమాచారం. ముందుగా...బిజెపి నుంచి కెసిఆర్‌కు దెబ్బ పడబోతోందని, వచ్చే గ్రేటర్‌ ఎన్నికల్లో...ఈ దెబ్బ ఉండబోతోందనే దానిపై చర్చలు జరిగాయంటున్నారు. ఈ ఎన్నికల్లో బిజెపిని ఎదుర్కొనేందుకు 'కెసిఆర్‌' 'జగన్‌' సహాయం కోరారని, దానికి 'జగన్‌' అంగీకరించారంటున్నారు. 

తెలంగాణలో ఇప్పటికే వైకాపా పార్టీ బలహీనం కావడంతో..ఎక్కడా ఆ పార్టీ పోటీ చేయడం లేదు. ఈ నేపథ్యంలో రాబోయే గ్రేటర్‌ ఎన్నికల్లో...'టిఆర్‌ఎస్‌'కు సహాయం చేయమని అడిగారని, 'జగన్‌' వల్ల..సీమాంధ్ర ఓటర్లు...టిఆర్‌ఎస్‌ వైపు ఏకపక్షంగా ఓటు వేస్తారనే భావనతో...కెసిఆర్‌ ఉన్నారంటున్నారు. గత ఏడాది జరిగిన తెలంగాణ ముందస్తు అసెంబ్లీ ఎన్నికల్లో 'జగన్‌' పార్టీ 'కెసిఆర్‌'కు పరోక్షంగా సహకరించింది. సీమాంధ్ర ఓటర్లు ఉన్న ప్రాంతాల్లో టిడిపికి ఓటు వేయవద్దని, టిఆర్‌ఎస్‌కు ఓటు వేయాలని..ఆ పార్టీ వర్గాలు పెద్ద ఎత్తున ప్రచారం చేశాయి. ఈ ఎన్నికల్లో సీమాంధ్రులు అధికంగా ఉన్న చోట్ల కూడా టిడిపి ఓడిపోయిందంటే...వైకాపా వల్లేననేది కాదనలేని నిజం. దీనిని దృష్టిలో ఉంచుకుని..సీమాంధ్రుల్లో 'జగన్‌'కు ఉన్న ఫాలోయింగ్‌ వల్ల...ఆయన ప్రచారం చేస్తే..తన పార్టీ లాభపడుతుందని 'కెసిఆర్‌' అంచనా వేస్తున్నారు. ఇదే అంశం ప్రస్తుతం వారిద్దరి మధ్య చర్చకు వచ్చినట్లు తెలుస్తోంది. మొత్తం మీద..మొన్నటి దాకా..బిజెపితో స్నేహం చేసిన 'కెసిఆర్‌, జగన్‌'లు ఇప్పుడు..ఆ పార్టీని ఎదురొడ్డేందుకు..సమాయత్తం కావడం...ఆసక్తికర పరిణామమే...! చూద్దాం..ఏమి జరుగుతుందో..?

(225)
  • (0)
  • -
  • (0)

అభిప్రాయాలూ