లేటెస్ట్

పాలిచ్చే ఆవును...వద్దని..తన్నే దున్నపోతును తెచ్చుకున్నారు...!?

ఆంధ్రప్రదేశ్‌ మాజీ ముఖ్యమంత్రి, టిడిపి జాతీయ అధ్యక్షుడు నారా చంద్రబాబునాయుడు సార్వత్రిక ఎన్నికల ఫలితాలపై సంచలన వ్యాఖ్యలు చేశారు. రాష్ట్ర ప్రజలు పాలిచ్చే ఆవును కాదని...తన్నే దున్నపోతును తెచ్చుకున్నారని ప్రజల నుద్దేశించి వ్యాఖ్యానించారు. ఆయన వ్యాఖ్యలు ఇప్పుడు సంచలనం సృష్టిస్తున్నాయి. ప్రజా తీర్పును మాజీ ముఖ్యమంత్రి తప్పుపడుతున్నారని వైకాపా నాయకులు విమర్శిస్తున్నారు. గుంటూరులో జరిగిన కార్యకర్తల సమావేశంలో 'చంద్రబాబు' ప్రసంగిస్తూ..పై వ్యాఖ్యలు చేశారు. అంతే కాకుండా...తమ పార్టీకి 23 సీట్లు వచ్చే అంత తప్పులు చేయలేదని, ఇలాంటి ఫలితం ఎలా వచ్చిందో ఇప్పటికీ అర్థం కాలేదన్నారు. వైకాపా నాయకులకు అధికారం అప్పగిస్తే...మూడు నెలల్లో 'అమరావతి'ని చంపేశారని, పోలవరం ప్రాజెక్టును ఆపేశారని, రాష్ట్రాన్ని చీకటిమయం చేశారని, ఉద్యోగులకు జీతాలు ఇవ్వడం లేదని, వృద్ధులకు పెన్షన్లు ఇవ్వలేకపోతున్నారని, ఏడవ తేదీ వచ్చినా..ఇప్పటికీ వృద్ధుల పెన్షన్లు ఇవ్వలేదని, రాష్ట్రంలో అరాచకం సృష్టిస్తున్నారని విమర్శలు గుప్పించారు. ఏమీ జరగని దానికి ఏదో జరిగిందని, విచారణలు చేస్తున్నారని, విచారణల పేరుతో బిల్లులు చెల్లించకుండా ఆపేస్తున్నారని విమర్శించారు. 

ప్రభుత్వం రైతులకు ఇచ్చిన బాండ్‌లు వ్యక్తిగతంగా తాను ఇవ్వలేదని, ప్రభుత్వం తరుపున ఇచ్చామని, వాటితో తమకు సంబంధం లేదంటున్నారని, మరి..గతంలో ప్రజలు ప్రభుత్వానికి చెల్లించాల్సిన పన్నులు, ఇతరాలను ఇప్పుడు చెల్లించక పోతే సరిపోతుందా..? అని ఆయన ప్రశ్నించారు. ప్రభుత్వం అనేది నిరంతర వ్యవస్థ అని..గత ప్రభుత్వ విధానం ప్రకారం పనులు చేసిందని, అదే విధంగా ఇప్పుడు నూతన ప్రభుత్వం తన విధానం ప్రకారం చేస్తుందని, అంతే కానీ...టిడిపి ప్రభుత్వం చేసిన వాటికి బిల్లులు ఆపేస్తామని చెప్పడం..సరికాదని, దీనిపై ఎంతటి పోరాటానికైనా తాను సిద్ధంగా ఉన్నానని ఆయన స్పష్టం చేశారు. ప్రజలు...ఎదుర్కొంటున్న సమస్యల పరిష్కారానికి కృషి చేస్తానని, వైకాపా మూకల దౌర్జన్యాలను, దోపిడీలను తానే ముందుండి ఎదుర్కొంటానని ఆయన కార్యకర్తలకు ధైర్యాన్ని నూరిపోశారు. 

(236)
  • (0)
  • -
  • (0)

అభిప్రాయాలూ