లేటెస్ట్

'శ్రీలక్ష్మి' కోసం...రంగంలోకి దిగిన 'జగన్‌'...!

తెలంగాణ క్యాడర్‌కు చెందిన ఐఎఎస్‌ అధికారిణి శ్రీలక్ష్మిని ఆంధ్రప్రదేశ్‌కు తెచ్చుకునేందుకు రాష్ట్ర ముఖ్యమంత్రి వై.ఎస్‌.జగన్మోహన్‌రెడ్డి నేరుగా రంగంలోకి దిగారు. తెలంగాణ క్యాడర్‌లో పనిచేస్తోన్న ఆమెను ఆంధ్రాకు కేటాయించాలని ముఖ్యమంత్రి జగన్మోహన్‌రెడ్డి తెలంగాణ ముఖ్యమంత్రిని కోరడం, దానికి ఆయన అంగీకరించడం జరిగింది. అయితే కేంద్ర ప్రభుత్వం మాత్రం దీనికి అనుమతి ఇవ్వడం లేదు. దాదాపు రెండు నెలల నుంచి ఆమె కోసం వైకాపా పార్లమెంటరీ పార్టీ నాయకుడు 'విజయసాయిరెడ్డి' ఢిల్లీలో తీవ్ర స్థాయిలో పైరవీ చేస్తున్నారు. నేరుగా 'శ్రీలక్ష్మి'ని తీసుకుని ప్రధాని మోడీ, కేంద్రహోంమంత్రి అమిత్‌షాల వద్దకు వెళ్లి విజ్ఞప్తి చేశారు. అయితే ఆయన విజ్ఞప్తులు ఫలించినట్లు కనిపించడం లేదు. ఎటువంటి కారణం లేకుండా ఐఎఎస్‌ అధికారులను ఒక రాష్ట్రం నుంచి మరో రాష్ట్రానికి పంపించడానికి కేంద్రం సిద్ధంగా లేదు. అయితే బిజెపితో స్నేహసంబంధాలు కొనసాగిస్తున్న వైకాపా 'శ్రీలక్ష్మి' కోసం ప్రయత్నాలు చేస్తూనే ఉంది. 

ఒక వైపు 'విజయసాయిరెడ్డి, మరో వైపు ఎంపీలు ప్రయత్నాలు కొనసాగిస్తున్నా...అవి ఫలించకపోవడంతో నేరుగా ముఖ్యమంత్రి వై.ఎస్‌.జగన్మోహన్‌రెడ్డి రంగంలోకి దిగారు. నిన్న ఢిల్లీల్లో ప్రధానిని కలిసిన సమయంలో 'శ్రీలక్ష్మి' విషయాన్ని ఆయనకు వివరించారు. ప్రధాని దీనిపై స్పందించారో లేదో తెలియదు కానీ..'జగన్‌' మాత్రం ఆమెను రాష్ట్రానికి తీసుకురావాలనే పట్టుదలతో ఉన్నారు. ఆమెను సిఎంఒలోకి తీసుకోవాలని..ఆయన భావిస్తున్నారు. ఇప్పటికే సిఎంఒలో ఉన్న 'పి.వి.రమేష్‌' రిటైర్‌ కావడంతో..ఆయన స్థానంలో 'శ్రీలక్ష్మి'ని తీసుకోవాలని 'జగన్‌' నిర్ణయించారు. అయితే ఆయన విజ్ఞప్తిని ప్రధాన మంత్రి కార్యాలయం ఆమోదిస్తుందా..? లేక తిరస్కరిస్తుందా..? అనేది త్వరలో తేలనుంది. ఆర్టికల్‌ 370 రద్దు అంశంపై పార్లమెంట్‌లో బిజీగా ఉన్నా ప్రధాని నరేంద్రమోడీ 'జగన్‌'కు 45 నిమిషాలు టైమ్‌ కేటాయించి మాట్లాడడంతో...'జగన్‌' విజ్ఞప్తిని 'మోడీ' మన్నించారని ప్రచారం జరుగుతోంది. నిజా నిజాలు మరి కొన్ని రోజుల్లో బయటకు వస్తాయి. 

(512)
  • (0)
  • -
  • (0)

అభిప్రాయాలూ