లేటెస్ట్

'పోలవరం' ఆగినట్లేనా...!?

ఆంధ్రుల జీవనాడి...'పోలవరం' నిర్మాణం నీలినీడలు కమ్ముకుంటున్నాయి. రాష్ట్రంలో ప్రభుత్వం మారిన తరువాత...ఈ ప్రాజెక్టు పనుల్లో వేగం తగ్గడంతో పాటు..అసలు ప్రాజెక్టు నిర్మాణం జరుగుతుందా..? లేదా..అనే దానిపై సందేహాలు వ్యక్తం అవుతున్నాయి. ఒక వైపు..పోలవరం ప్రాజెక్టు నిర్మాణంలో అవినీతి జరిగిందని, గత ప్రభుత్వ పెద్దలు ఈ ప్రాజెక్టు నిర్మాణం పేరుతో భారీగా దోచుకున్నారని, నూతన ప్రభుత్వం ఆరోపిస్తూ..విచారణలు చేయిస్తూ..పని చేస్తోన్న కాంట్రాక్టు సంస్థను పనులు చేయవద్దని పక్కన పెట్టడంతో..ఇప్పట్లో..పోలవరం పనులు మళ్లీ మొదలవుతాయా..? లేదా..అనే సందేహాల మధ్య..తాజాగా కేంద్రం ఇచ్చిన నోటీసులతో..పోలవరం నిర్మాణం ఇప్పట్లో సాధ్యం  అవుతుందా..? అనే సందేహాలు వ్యక్తం అవుతున్నాయి. పోలవరం ప్రాజెక్టుకు పర్యావరణ అనుమతులు ఎందుకు రద్దు చేయకూడదని కేంద్రం రాష్ట్ర ప్రభుత్వానికి నోటీసులు జారీ చేసింది. ఇదే కాకుండా పురుషోత్తంపట్నంపై కూడా వివరణ కోరినట్లు తెలుస్తోంది. పోలవరం, దాని అనుబంధ ప్రాజెక్టులపై చెన్నైలోని బ్రాంచి కార్యాలయంలో తనిఖీలు జరిపించిన కేంద్ర పర్యావరణ మంత్రిత్వశాఖ అధికారులు, ఆ తనిఖీల తరువాత..కేంద్రానికి నివేదిక అందజేశారు. పర్యావరణ అనుమతుల నిబంధనల్లో ఉల్లంఘనలు జరిగాయని, నివేదిక ఇవ్వడంతో కేంద్రం తాజాగా నోటీసులు జారీ చేసింది. దీంతో..ఇప్పుడు..ఈ ప్రాజెక్టు నిర్మాణంపై సందేహాలు వ్యక్తం అవుతున్నాయి.

(129)
  • (0)
  • -
  • (0)

అభిప్రాయాలూ