లేటెస్ట్

పిన్నితో అక్రమ సంబంధం... బాబాయి హత్య

సుఖం కోసం వావి వరుసలు మరిచిపోవడమే కాకుండా ఓ అమాయకుడి ప్రాణాన్ని బలి తీసుకున్నాడు.నాగర్‌కర్నూలు మండలం కల్వకుర్తి మండలం మండల పరిధి సంఘాయిపల్లికి చెందిన విూసాల మల్లేశ్‌ (26) ఐదేళ్ల క్రితం ఉపాధి నిమిత్తం హైదరాబాద్‌ వలస వచ్చాడు. అక్కడ మేస్త్రీగా పనిచేస్తున్న సమయంలోనే నాగర్‌కర్నూల్‌ జిల్లా సిద్దాపూర్‌ మండలానికి చెందిన సోనీ అనే మహిళతో పరిచయం ఏర్పడి ప్రేమకు దారితీసింది. దీంతో వారిద్దరు వివాహం చేసుకుని నగరంలోనే కాపురం పెట్టారు. ఈ క్రమంలోనే ఇద్దరు పిల్లలు పుట్టారు. మల్లేశ్‌కు వరుసకు కుమారుడైన విూసాల లాలయ్య లారీ డ్రైవర్‌గా పనిచేస్తూ అప్పుడప్పుడూ వీళ్లింటికి వచ్చేవాడు. ఈ క్రమంలో పిన్ని వరుసైన సోనీతో అక్రమ సంబంధం పెట్టుకున్నాడు. తనులేని సమయంలో లాలయ్య ఇంటికి వస్తున్నాడని తెలుసుకున్న మల్లేశ్‌ విషయం ఆరా తీయగా వారి బంధం బయటపడింది. దీంతో మల్లేశ్‌ వారి సంబంధం బంధువుల్లో పంచాయతీ పెట్టాడు. దీంతో పెద్దలు తీరు మార్చుకోవాలని సోనీ, లాలయ్యకు హెచ్చరించడంతో వారిద్దరూ మల్లేశ్‌పై కక్ష పెంచుకున్నారు. తమ అక్రమ సంబంధానికి అడ్డొస్తున్నాడని అతడిని హత్య చేసేందుకు ప్లాన్‌ వేశారు. 

స్వగ్రామంలో కాస్త పొలం ఉండటంతో రైతుబంధు పథకం కింద వచ్చే సొమ్ము తీసుకునేందుకు మల్లేశ్‌ ఆగస్టు 4వ తేదీన గ్రామానికి వెళ్లాడు. ఈ విషయాన్ని సోనీ తన ప్రియుడికి చెప్పడంతో లాలయ్య మరుసటిరోజు అక్కడికి చేరుకున్నాడు. 5వ తేదీన మల్లేశ్‌ను చంపేందుకు పథకం రచించినా అమలు కాలేదు. దీంతో 7వ తేదీన తన బాబాయ్‌కి ఫోన్‌ చేసి మద్యం తాగుదామని పిలిచాడు. బైక్‌పై అతడిని మహబూబ్‌నగర్‌ జిల్లాలోని దేవునిపడకల్‌ రిజర్వ్‌ ఫారెస్ట్‌లోకి తీసుకెళ్లి మద్యం తాగించాడు. లాస్ట్‌ పెగ్‌లో ఎలుకల మందు కలిపి మల్లేశ్‌తో తాగించాడు. కొద్దిసేపటికే మల్లేశ్‌ నోట్లో నుంచి నురగలు కక్కుకుంటూ చనిపోగా మృతదేహాన్ని చెట్లపొదల్లో పడేసి వెళ్లిపోయాడు. మల్లేశ్‌ కనిపించకపోవడంతో కుటుంబసభ్యులు పోలీసులకు ఫిర్యాదు చేశారు. దీంతో మిస్సింగ్‌ కేసు నమోదు చేసుకున్న పోలీసులు అతడి కోసం గాలించి 11వ తేదీన మృతదేహాన్ని కనుగొన్నారు. అతడి కాల్‌డేటా ఆధారంగా సోనీ, లాలయ్యను అదుపులోకి తీసుకుని విచారించగా నేరం అంగీకరించారు. దీంతో పోలీసులు వారిద్దరిని కోర్టులో హాజరుపరిచి రిమాండ్‌కు తరలించారు. 

(269)
  • (0)
  • -
  • (0)

అభిప్రాయాలూ