లేటెస్ట్

'సురేంద్రబాబు'ను బదిలీ చేస్తారని'జనమ్‌ఆన్‌లైన్‌.కామ్‌' ఎప్పుడో చెప్పింది...!?

ఆర్టీసీ ఎండి 'సురేంద్రబాబు' తమ తీసుకునే నిర్ణయాలకు అడ్డం వస్తారని, ఆయనను బదిలీ చేయబోతున్నారంటూ 'జనమ్‌ఆన్‌లైన్‌.కామ్‌' ఎప్పుడో చెప్పింది. ఆగస్టు నెల5వ తేదీన..'జనమ్‌ఆన్‌లైన్‌.కామ్‌' (http://www.janamonline.com/article?nid=331) దీనిపై ఒక కథాన్ని ప్రచురించింది. 'ఆర్టీసీ ఎండి సురేంద్రబాబు'ను బదిలీ చేస్తారని  చెబుతూ..ఆయన వల్ల తాము తీసుకునే నిర్ణయాలు ఆగిపోతాయనే భయంతోనే ఆయనను బదిలీ చేస్తారని తెలిపింది. ప్రభుత్వంలో ఆర్టీసీ విలీనం, ఎలక్ట్రికల్‌ బస్సులు కొనుగోళ్లు తదితర వ్యవహారాల్లో 'సురేంద్రబాబు' తమకు ఎక్కడ అడ్డుపుల్లలు వేస్తారనే భయంతోనే ప్రభుత్వ ముఖ్యులు ఆయనను తప్పిస్తారని ఆ కథనంలో పేర్కొన్నాం. నాడు 'జనమ్‌ఆన్‌లైన్‌.కామ్‌' ఏమి ప్రచురించిందో..అదే నేడు జరుగుతోంది...? ఆర్టీసీ సంస్థ భారీ ఎత్తున ఎలక్ట్రికల్‌ బస్సులు కొనుగోలు చేయబోతుండడం, అవీ ప్రభుత్వ పెద్దలకు సన్నిహితులైన వారి కంపెనీల నుంచే..వాటిని తీసుకోనుండడంతో..గతంలో వెలువడిన అనుమానాలే నిజం అవుతున్నాయి. నిజాయితీగా, నిక్కచ్చిగా పనిచేసే అధికారిగా పేరున్న 'సురేంద్రబాబు'ను తొలగిస్తేనే తాము అనుకున్న పనులు అనుకున్నట్లు జరుగుతాయనే భావనతోనే ఆయనను నేడు బదిలీ చేశారు. కాగా...'పోలవరం' టెండర్లు దక్కించుకున్న సంస్థే ఆర్టీసీలో ఎలక్ట్రికల్‌ బస్సులను ప్రవేశపెట్టబోతోంది. పోలవరం రివర్స్‌ టెండర్లుల్లో వచ్చిన నష్టాన్ని ఎలక్ట్రికల్‌ బస్సులు కొనుగోలుతో...భర్తీ చేసుకుంటారని ప్రతిపక్షాలు ఆరోపిస్తున్నాయి. మొత్తం మీద సమర్థవంతంగా,నిజాయితీగా పనిచేసే అధికారిని బదిలీ చేసి..ప్రభుత్వం తన ప్రతిష్టను తగ్గించుకుందనే భావన ఆర్టీసీ వర్గాల్లోనూ, కార్మికుల్లోనూ ఉంది. 

(296)
  • (0)
  • -
  • (0)

అభిప్రాయాలూ