లేటెస్ట్

ఎట్టకేలకు 'సతీష్‌చంద్ర'కు పోస్టింగ్‌...!

సీనియర్‌ ఐఎఎస్‌ 'సతీష్‌చంద్ర'కు పోస్టింగ్‌ ఇస్తూ ప్రభుత్వం ఎట్టకేలకు నిర్ణయం తీసుకుంది. రాష్ట్రంలో అధికారం మారిన తరువాత గత ప్రభుత్వ హయాంలో కీలకంగా పనిచేసిన పలువురు సీనియర్‌ అధికారులకు పోస్టింగ్‌లు ఇవ్వకుండా అధికార వైకాపా ప్రభుత్వం వారిని సుధీర్ఘంగా వెయిటింగ్‌లో పెట్టింది. నాడు చంద్రబాబు సిఎంఒలో కీలకంగా పనిచేసిన సీనియర్‌ ఐఎఎస్‌ అధికారులు 'సతీష్‌చంద్ర, సాయిప్రసాద్‌, రాజమౌళి'లకు 'జగన్‌' ప్రభుత్వం పోస్టింగ్‌లు ఇవ్వలేదు. వీరిలో 'రాజమౌళి' ఉత్తరప్రదేశ్‌ క్యాడర్‌కు చెందిన వారు. ఆయనను మొన్నటి దాకా వెయిటింగ్‌లో పెట్టడంతో..ఆయన కేంద్ర సర్వీసులకు వెళ్లిపోయారు. కాగా 'సతీష్‌చంద్ర' 'సాయిప్రసాద్‌'లు వెయిటింగ్‌లో ఉండగా ఈ రోజు 'సతీష్‌చంద్ర'కు పోస్టింగ్‌ ఇచ్చారు. 'చంద్రబాబు' ప్రభుత్వంలో కీలకంగా వ్యవహరించారనే పేరుతో 'సతీష్‌చంద్ర'ను 'జగన్‌' పక్కన పెట్టారు. దాదాపు ఐదు నెలల తరువాత ఆయనకు పోస్టింగ్‌ ఇవ్వడం విశేషం. తెలుగుదేశం ప్రభుత్వ హయాంలో 'సతీష్‌చంద్ర', సీనియర్‌ ఐపిఎస్‌ అధికారి 'వెంకటేశ్వరరావు'లు వైకాపా పార్టీ ఎమ్మెల్యేలను, ఇతర నాయకులను టిడిపిలో చేర్పించడంలో క్రియాశీలకంగా పనిచేశారని అప్పట్లో వైకాపా సీనియర్‌ నాయకుడు 'విజయసాయిరెడ్డి' ఆరోపించారు. దీనిపై అప్పట్లో అధికారులకు, వైకాపా నాయకులకు మధ్య తీవ్రవాగ్యుద్ధం జరిగింది. తరువాత పరిణామాల్లో అవి కొంత చల్లబడ్డా...అధికారం మారడంతో 'సతీష్‌'ను అధికార పార్టీ వెయిటింగ్‌లో పెట్టింది. కాగా ప్రస్తుతం 'సతీష్‌చంద్ర'ను ఉన్నతవిద్య మరియు స్కిల్‌ డెవలప్‌మెంట్‌ కార్యదర్శిగా నియమించారు. గతంలో అక్కడ పనిచేసిన  'వెంకటేశ్వరప్రసాద్‌'ను జీఎడిలో రిపోర్టు చేయాలని ఆదేశించారు. 

(360)
  • (0)
  • -
  • (0)

అభిప్రాయాలూ