WWW.JANAMONLINE.COM

లేటెస్ట్

కోచ్‌ పదవికి 'రవిశాస్త్రి' ధరఖాస్తు...!

భారత్‌ క్రికెట్‌ ప్రధాన కోచ్‌ పదవి కోసం పలువురు మాజీ క్రికెటర్లు పోటీ పడుతున్నారు. వీరితో పాటు విదేశాలకు చెందిన వారు కూడా ఆ పదవి దక్కించుకోవడానికి ఉబలాటపడుతున్నారు. ప్రపంచంలోనే అత్యంత ధనిక క్రికెట్‌ బోర్డు అయిన బిసిసిఐ ఈ పదవి కోసం ఇప్పటికే ప్రకటన విడుదల చేసింది. రాహుల్‌ ద్రావిడ్‌, సారవ్‌గంగూలీ వంటి క్రికెటర్లు కాక ఇప్పుడు మాజీ టీమ్‌ డైరెక్టర్‌ 'రవిశాస్త్రి' కూడా దీనికి ధరఖాస్తు చేశారట. ఈ విషయంపై మీడియా ఆయనను ప్రశ్నించగా 'అవును ఈరోజు ఉదయం చీఫ్‌ కోచ్‌ పదవికి ఆప్లై చేశా. కోచ్‌ పదవి కోసం ఇచ్చిన ప్రకటనలో ఏమైతే అడిగారో దాన్ని ఈ-మెయిల్‌ ద్వారా బోర్డుకు అందజేశా. ఇంకా బీసీసీఐ ఏమైనా కోరితే వాటిని కూడా ఇవ్వడానికి సిద్ధంగా ఉన్నా. అయితే ఈ పదవిపై మీరు నమ్మకంగా ఉన్నారా?లేరా?అని అడిగితే అది నా చేతుల్లో లేదు. నా పని దరఖాస్తు చేయడం మాత్రమే. ఆపై ఇంక ఎటువంటి కామెంట్లు చేయదలుచుకోలేదు'అని రవిశాస్త్రి తెలిపాడు.

(226)
  • (0)
  • -
  • (0)

అభిప్రాయాలూ