నాగార్జున‌తో ప‌నిచేయ‌డం అద్భుత‌మైన అనుభ‌వ‌మ‌ని, ఆయ‌న నుంచి చాలా నేర్చుకున్నాన‌ని, త‌న అక్క‌ల‌కు నాగార్జున‌పై క్ర‌ష్ ఉంద‌ని, వారు ఆయ‌న‌పై క్ర‌ష్‌తోనే పెరిగార‌ని, ఇప్పుడు ఆయ‌న‌తో స్క్రీన్ షేర్ చేసుకోవ‌డం మంత్రముగ్దతను క‌లిగిస్తుంద‌ని సినీన‌టుడు ధ‌నుష్ అన్నారు. జాతీయ అవార్డు విజేత శేఖ‌ర్ క‌మ్మ‌ల ద‌ర్శ‌క‌త్వంలో రూపొందుతున్న ‘కుబేరా’ సినిమాలో ధ‌నుష్‌తో పాటు, నాగార్జున‌, ర‌ష్మిక మందాన‌, జిమ్ సార్భ్ ముఖ్య‌పాత్ర‌ల్లో న‌టిస్తున్నారు. ఈ సినిమా ప్రీ-రిలీజ్ ఈవెంట్‌లో ధ‌నుష్ మాట్లాడారు. ‘కుబేరా’ కేవ‌లం  మరో సినిమా మాత్రమే కాదు, నటుడిగా తన ప్రయాణంలో ఒక మైలురాయిగా నిలిచింది.“శేఖర్ గారు నాకు ఎంతో అర్థవంతమైన పాత్ర ఇచ్చారు. ఇది నా 52వ తమిళ సినిమా, రెండవ తెలుగు సినిమా. కానీ నాకు అత్యంత ప్రత్యేకమైనదిగా నిలిచింది,” అన్నారు.“నాగ్ సర్, మీతో పని చేయడం అద్భుతమైన అనుభవం. మేము చాలా నేర్చుకున్నాం. మీరు ఓ క్లాస్‌మ్యాన్. మీ సినిమాలతో మేము పెరిగాం. మీతో స్క్రీన్ షేర్ చేయడం మంత్రముగ్దత వంటిది. మా అక్కలు మీపై క్రష్‌తో పెద్దయ్యారు.”“రష్మికా, ఈ '1000 కోట్లు', '2000 కోట్లు', 'నేషనల్ క్రష్' అన్నదాన్ని మర్చిపోండి. మీకు అదృష్టం ఉంది అని అంటారు కానీ మీ అదృష్టాన్ని మీరు స్వయంగా తయారు చేసుకున్నావు. ఈ రోజు మీకు లభిస్తున్న ప్రతి గుర్తింపుకూ మీరు శ్రమపడ్డారు. ‘కూర్గ్‌’ అనే చిన్న ఊరిలో నుంచి పాన్ ఇండియా స్టార్‌గా ఎదగడం అద్భుతం. మీరు ధన్యులై ఉన్నారు. దేవుడు మీపై ఆశీస్సులు ప్రసాదించాలి. మీ భవిష్యత్తు ప్రాజెక్టుల కోసం శుభాకాంక్షలు.”“కుబేరా నాకు ఎంతో ప్రత్యేకమైన సినిమా. త్వరలో మీ ముందుకు రాబోతుంది. మీరు సినిమాను ఆస్వాదిస్తారని ఆశిస్తున్నా. ధన్యవాదాలు.”