రేపిస్ట్‌కాల్పుల్లో 11మంది మృతి...!
గతంలో తాను చేసిన రేప్‌పై ఆ కుటుంబం ఎక్కడ పగతీర్చుకుంటుందోనన్న అనుమానంతో ఓ రేపిస్ట్‌ 11మందిని కాల్చి చంపాడు. మెక్సికోలో ఈ సంఘటన జరిగింది. స్థానిక కాలమాణం ప్రకారం అర్థరాత్రి దాటిన తరువాత ఓ రేపిస్ట్‌ సహా మరో వ్యక్తి కలిసి ఒకే కుటుంబానికి చెందిన 11మందిపై కాల్పులకు తెగబడ్డారు. ఈ కాల్పుల్లో ఐదుగురుమహిళలు, ఇద్దరు చిన్నారులు, నలుగురు మగవాళ్లు చనిపోయారు. ఈ సంఘటనలో మరో ఇద్దరు చిన్నారులు తీవ్రంగా గాయపడడంతో వారిని చికిత్స నిమిత్తం తెహ్యూకన్లోని ఓ ఆసుపత్రికి తరలించారు. రేపిస్ట్‌ కాల్పులు జరిపిన తరువాత అక్కడ నుంచి పరారయ్యాడని, అతని కోసం పోలీసులు తీవ్రంగా గాలిస్తున్నారని స్థానిక మేయర్‌ తెలిపారు.
