WWW.JANAMONLINE.COM

లేటెస్ట్

'తప్పు చేశాం..దిద్దుకుంటాం...!

తాము తెలియక తప్పు చేశామని..దాన్ని ఇప్పుడు దిద్దుకుంటామని బ్రిటన్‌ వాసులు వాపోతున్నారు. మొన్నటి రెఫరెండంలో యూరోపియన్‌ యూనియన్‌(ఈయూ) నుంచి వైదొలగాలన్న తీర్పు పరిణామాలతో షాక్‌ తిన్న ఆ దేశ వాసులు మళ్లీ దేశంలో రెఫరెండం నిర్వహించాలని డిమాండ్‌ చేస్తున్నారు. అధికారిక పార్లమెంటరీ పిటిషన్‌ వెబ్‌సైట్‌లో ఈ పిటిషన్‌కు మద్దతుగా వెల్లువెత్తుతున్న సంతకాలతో ఓ దశలో ఈ వెబ్‌సైట్‌ క్రాష్‌ అయింది. వేలసంఖ్యలో బ్రిటన్‌ వాసులు ఈ పిటిషన్‌కు మద్దతుగా సంతకాలు చేస్తున్నారు. 'ఉండాలా? విడిపోవాలా? అన్న అంశంపై రెఫరెండ్‌లో మెజారిటీ ఓట్లు 60శాతానికి తక్కువగా ఉండి.. మొత్తం ఓటింగ్‌ 75శాతానికి తక్కువగా ఉన్నప్పుడు ఆ సమయంలో రెండోసారి రెఫరెండం నిర్వహించాలన్న నిబంధనను ఇప్పుడు అమలుచేయాలని కోరుతూ మేం ఈ సంతకాలు చేపడుతున్నాం' అని ఈ పిటిషన్‌లో పేర్కొన్నారు.ఈయూలో బ్రిటన్‌ ఉండాలా? వద్దా? అనే అంశంపై గురువారం జరిగిన చరిత్రాత్మక రెఫరెండంలో 72.2శాతం ఓటింగ్‌ నమోదైన సంగతి తెలిసిందే. ఈ ఓటింగ్‌లో ఈయూ నుంచి వైదొలగాలన్న వాదనకు కేవలం 51.1శాతం ఓట్లతో స్వల్ప ఆధిక్యం లభించిన నేపథ్యంలో మరోసారి రెఫరెండం నిర్వహించాలన్న డిమాండ్‌ కు ప్రాధాన్యం పెరుగుతోంది.

(260)
  • (0)
  • -
  • (0)

అభిప్రాయాలూ