డిఎస్పీ బదిలీలు సిఎం చేస్తారా...? 

WWW.JANAMONLINE.COM

లేటెస్ట్

డిఎస్పీ బదిలీలు సిఎం చేస్తారా...?

హోంశాఖ పరిధిలో ఉన్న డిఎస్పీ బదిలీలను గతంలో ఆ శాఖ మంత్రే చేసేవారు. దీనిపై అనేక విమర్శలు వెలువడడం, డిఎస్పీలను పదే పదే మార్చడంపై కొందరు పోలీసు అధికారులు సుప్రీంకోర్టులో కేసు వేశారు. దీంతో సుప్రీంకోర్టు మంత్రుల అధికారాలను కట్‌ చేస్తూ, ఒక ఎస్టాబ్లిష్‌మెంట్‌ బోర్డును ఏర్పాటు చేయాలని, దానికి డిజిపి ఛైర్మన్‌గా మరి కొందరు సీనియర్‌ పోలీసు అధికారులు సభ్యులుగా ఉండి ఈ బదిలీలు,పోస్టింగ్‌లపై నిర్ణయం తీసుకునేవిధంగా తీర్పును ఇచ్చారు. కాంగ్రెస్‌ ప్రభుత్వ హయాంలో ఈ విధంగా ప్రారంభమయిన డిఎస్పీ పోస్టింగ్‌లు,బదిలీల్లో రాజకీయ ప్రభావం కొంత మేర తగ్గినప్పటికీ ముఖ్యమంత్రి కార్యాలయ అధికారుల సిఫార్సులు మాత్రమే పనిచేసేవి. హోంమంత్రికే డిఎస్పీ బదిలీలు చేసే అధికారం లేదు.,ముఖ్యమంత్రి ఆ బదిలీలు చేసే అధికారాన్ని ఎలా తీసుకుంటారు..ఒక వేళ బదిలీ చేసినా కోర్టు ధిక్కరణ కిందకు వస్తుంది. ఎవరో ఒకరు సుప్రీం కోర్టుకు వెళ్లడం ఖాయం. ఈ విషయం సిఎం చంద్రబాబుకు తెలుసో లేదో కానీ..మంత్రివర్గ సమావేశంలో మాట్లాడుతూ తానే డిఎస్పీ బదిలీలు,పోస్టింగ్‌లు చేస్తానని అన్నారట. ఈ విషయం డిజిపి రాముడు దృష్టికి వెళ్లింది. కానీ ఇంత వరకు ఆయన కానీ, ముఖ్యమంత్రి కానీ దీనిపై చర్చించలేదు. సిఎం కార్యాలయం నుండి కొన్నిపేర్లను పంపిస్తారు..ఆ పేర్లనే ఎస్టాబ్లిష్‌మెంట్‌బోర్డులో పెట్టి వాటిని మమ అనిపిస్తారని పోలీసు అధికారులు చెబుతున్నారు. బాహాటంగా బదిలీలు,పోస్టింగ్‌లు చేయకపోయినా చాటు మాటుగా తెరవెనుక ఉండి ఈ తంతంగం నడిపిస్తే సిఎం హోదాకు విలువ ఉంటుందా? అని పోలీసు ఉన్నతాధికారులు సిఎంఒ కార్యాలయ అధికారులకు చెబుతూ ఆపైన మీఇష్టం అని అన్నారట. ఈ విషయం సిఎం దృష్టికి వెళ్లిందో లేదో తెలియదు. డిజిపి రాముడు జూలై 23న తేదీనాడు సర్వీసు నుండి రిటైర్‌ అవుతారు..ఆ రిటైర్డ్‌మెంట్‌కు ముందే పోస్టింగ్‌లు,బదిలీలు ఇచ్చేందుకు జాబితాను తయారు చేస్తున్నట్లు ప్రచారం జరుగుతోంది. సిఎం ఆదేశాల ప్రకారం జాబితాను తయారు చేస్తున్నారా?లేక ఎస్టాబ్లిష్‌మెంట్‌బోర్డు ద్వారా నిర్ణయాలు తీసుకుంటారా? బదిలీలు,పోస్టింగ్‌ల ఉత్తర్వులు బయటకు వస్తే కానీ అసలు విషయం తెలియదు.

(218)
  • (0)
  • -
  • (0)

అభిప్రాయాలూ