గుంటూరు నుంచి 'వెలగపూడి'కి ఆర్టీసీ బస్సులు...! 

WWW.JANAMONLINE.COM

లేటెస్ట్

గుంటూరు నుంచి 'వెలగపూడి'కి ఆర్టీసీ బస్సులు...!

ఆంధ్రుల నూతన సచివాలయం వెలగపూడికి ఇక నుంచి గుంటూరు నుంచి ప్రతి 20 నిమిషాలకు ఒక బస్సు వెళ్లనుంది. ఈ మేరకు ఆర్టీసీ అధికారులు అన్ని ఏర్పాట్లు చేశారు. బుధవారం నాడు కొన్ని సర్వీసులను లాంఛనంగా ప్రారంభించారు. గుంటూరు నుంచి వయా తాడికొండ, తుళ్ళూరు మీదుగా వెలగపూడి సచివాలయానికి ఈ బస్సులు రాకపోకలు సాగించనున్నాయి. రోజూ ఉదయం 5గంటల నుంచి రాత్రి పదిన్నర గంటల వరకు ఆర్టీసీ సర్వీసులను నడుపుతుందని రీజనల్‌ మేనేజర్‌ జ్ఞానంగారి శ్రీహరి తెలిపారు. మంగళగిరి నుంచి తుళ్ళూరు వరకు వయా సచివాలయం మీదుగా రాకపోకలు సాగించేలా అదనపు సర్వీసులు ఏర్పాటు చేశామన్నారు. రెయినట్రీ పార్కు నుంచి ఉదయం 8.45 గంటలకు, 9.05 గంటలకు, సచివాలయం నుంచి రెయిట్రీ పార్కునకు సాయంత్రం ఐదు గంటలకు, 5.20 గంటలకు బస్సు ఉన్నాయని పేర్కొన్నారు. అలాగే గుజ్జనగుండ్ల నుంచి సచివాలయానికి, సచివాలయం నుంచి గుజ్జనగుండ్లకు మరికొన్ని సర్వీసులు ఏర్పాటు చేసినట్లు తెలిపారు.

(1166)
  • (0)
  • -
  • (0)

అభిప్రాయాలూ