WWW.JANAMONLINE.COM

లేటెస్ట్

'నా కులం...అయితే ఒకే....!

ఆయన ఒక సీనియర్‌ ఐఎఎస్‌ అధికారి. నిజాయితీ పరుడిగా పేరు తెచ్చుకున్నారు. కానీ ఎప్పుడూ నెగటివ్‌గా నిర్ణయాలు తీసుకుంటారు. ఒక విషయంలో మాత్రం బాగా దూకుడుగా ముందుకెళుతుంటారు. ఆ దూకుడు ఏమిటంటే తన దగ్గరకు వచ్చిన తన కులానికి చెందిన వారికి అండదండగా ఉంటారు. వారి చేసే ఆధారాలు లేని ఫిర్యాదులపై అతిగా స్పందిస్తూ...కింది స్థాయి అధికారులను సస్పెండ్‌ చేయమని..చార్జిమెమో ఇవ్వమని, లేదా ఇంక్రిమెంట్లు కట్‌ చేయమని లిఖితపూర్వకంగా డైరెక్ట్‌రేట్‌అధికారులకు ఆదేశాలు జారీ చేస్తారట. నిజాలు తెలుసుకోరు.. ఎవరైనా తన కులంవారు కార్యాలయానికి వచ్చి కన్నీరు పెట్టుకుంటే కరిగిపోతారు. ఆ కన్నీటిలో మాయమోసాలు ఉంటాయని..ఆయనకు తెలుసు. కానీ..కులతత్వంతో బాగా దూకుడుగా వ్యవహరిస్తున్నారు. కింది స్థాయి ఉద్యోగులు జిల్లా స్థాయి అధికారులను కలవాలి. వారు న్యాయం చేయకపోతే కమీషనర్‌ను కలవాలి. అక్కడ కూడా న్యాయం జరగకుండా ఉంటే శాఖాధిపతిని కలవాలి. వీటన్నింటిలో ఇద్దర్ని ఎవరూ కలవడం లేదు. అన్నింటికీ అపద్బాంధవుడు శాఖాధిపదే.ఈ శాఖాధిపతి దూకుడుకు కిందిస్థాయి అధికారులు లబోదిబో మంటున్నారు. ఆ అధికారి దూకుడు చాలా మంది అమాయకులు ఇప్పటికే బలి అయ్యారు. ఆయనకు కలిసి వచ్చిందేమిటంటే కమీషనర్‌ కూడా ఆయన సామాజికవర్గానికి చెందిన అధికారి కావడం. మొదటలో ఆయన ఆదేశాలను పాటించిన కమీషనర్‌ ఆ తరువాత వాస్తవాలు తెలుసుకుని లిఖిత పూర్వకంగా తెలియజేశారు. మీకు ఫిర్యాదు చేసిన వారిలో ఎక్కువమంది పనిదొంగలని, అనేక అవకతవకలకు, అక్రమాలకు పాల్పడినట్లు రుజువు ఉన్నాయని అన్ని వివరాలతో తెలియజేస్తున్నానని కమీషనర్‌ కూడా తెలియజేయడంతో శాఖాధిపతి కొంత వెనుకడుగు వేశారట. కుల,మతాలకు అతీతంగా బాధ్యతలు నిర్వహించాల్సిన ఆ సీనియర్‌ ఐఎఎస్‌ అధికారి..తన కులానికి చెందిన వారు ఎటువంటి ఆధారాలు లేని ఫిర్యాదులు చేసినా అతిగా స్పందించడంలో పరమార్థం ఏమిటి? ఆయన దూకుడుగా వ్యవహరించినట్లు మిగతా ఐఎఎస్‌ అధికారులు కూడా కులతత్వంతో వ్యవహరిస్తే పరిస్థితి ఏమిటని ఆ శాఖలో పనిచేసే అధికారులు అంటున్నారు. మంత్రికి ఈ విషయం తెలుసు. అయినా పట్టించుకోరు. ఎందుకంటే ఆయన చేస్తున్న కలెక్షన్లు ఈ శాఖాధిపతికి తెలుసు..

(517)
  • (0)
  • -
  • (0)

అభిప్రాయాలూ