ఆంధ్ర‌ప్ర‌దేశ్ అసెంబ్లీ ఎన్నిక‌ల్లో ప్ర‌తిప‌క్ష టిడిపి కూట‌మి గెలుస్తుంద‌ని మెజార్టీ స‌ర్వేలు తేల్చాయి. చిన్నా, చిత‌కా సంస్థ‌ల నుండి జాతీయ సంస్థ‌ల్లో మెజార్టీ సంస్థ‌లు టిడిపి కూట‌మి గెల‌వ‌బోతోంద‌ని త‌మ ఎగ్జిట్ పోల్ స‌ర్వేలో తేల్చి చెప్పాయి. పేరు మోసిన స‌ర్వే సంస్థ‌లైన యాక్సిస్ ఇండియా, రిప‌బ్లిక్‌టివి, ఎన్‌డిటివి,టుడే చాణిక్య‌,న్యూస్ 18, ఇండియాటీవీ,ఏబీపీ-సీ-ఓట‌ర్‌,సీఎన్ఎక్స్ వంటి సంస్థ‌లు టిడిపి కూట‌మి ఘ‌న‌విజ‌యం సాధిస్తుంద‌ని పేర్కొన్నాయి. వాటితోపాటు స్థానిక సంస్థ‌లు రైజ్‌, కెకె స‌ర్వే, చాణిక్య స్ట్రాట‌జీస్‌, ప‌య‌నీర్‌, పీపుల్స్ ప‌ల్స్ వంటి సంస్థ‌లు టిడిపి కూట‌మి ఘ‌న విజ‌యం సాధిస్తాయ‌ని పేర్కొన‌గా, ఆరా, ఆత్మ‌సాక్షి, రేస్‌,జ‌న్మ‌త్‌పోల్ వంటి స‌ర్వే సంస్థ‌లు వైకాపా బొటాబొటిగా విజ‌యం సాధించ‌వ‌చ్చ‌ని పేర్కొన్నాయి. మెజార్టీ సంస్థ‌లు టిడిపి కూట‌మి విజ‌యంసాధిస్తుంద‌ని చెబుతోన్న ఇంకా వైకాపా విజ‌యం సాధిస్తుంద‌ని కొంత మంది వాదిస్తున్నారు. దాదాపు 40 స‌ర్వే సంస్థ‌లు త‌మ ఎగ్జిట్‌పోల్ వివ‌రాల‌ను బ‌య‌ట‌పెడితే వాటిలో దాదాపు35 సంస్థ‌లు టిడిపి కూట‌మి గెలుస్తుంద‌ని తేల్చాయి. వీటి గ‌త చ‌రిత్ర ఘ‌నం. వాటి గ‌త చ‌రిత్ర‌ప్ర‌కారం చూసుకుంటే..వారి స‌క్సెస్ రేట్ వంద‌శాతం పైనే ఉంటుంది. అయితే..వీట‌న్నిటి న‌మ్మ‌మ‌ని ఆరా మ‌స్తాన్ చెప్పిన స‌ర్వేనే న‌మ్ముతామ‌ని కొంద‌రు వాదిస్తున్నారు.  

దీని కార‌ణం ఏమిటంటే 2019 ఆంధ్ర‌ప్ర‌దేశ్ అసెంబ్లీ ఎన్నిక‌ల్లో ఆరా మ‌స్తాన్ చెప్పిన స‌ర్వే నిజ‌మైంద‌ని, ఈసారి అత‌ను చెప్పిన‌దే వాస్త‌వం అవుతుంద‌ని వారు వాదిస్తున్నారు. అప్ప‌ట్లో చంద్ర‌బాబు మ‌ళ్లీ గెలుస్తార‌ని పెక్కు స‌ర్వే సంస్థ‌లు పేర్కొన్నాయి. అయితే వైకాపా 123 సీట్ల‌తో గెలుస్తుంద‌ని ఆరా మ‌స్తాన్ ప్ర‌క‌టించారు. ఆయ‌న చెప్పిన దానికంటే వైకాపాకు ఎక్కువ సీట్లు వ‌చ్చాయి. దీంతో ఎక్కువ మంది ఆయ‌న స‌ర్వేల‌ను న‌మ్ముతున్నారు.  దాని త‌రువాత ఆరా మ‌స్తాన్ చేసిన స‌ర్వేలు కొన్ని అంచ‌నా త‌ప్పాయి. అయినా..ఇప్పుడు ఆయ‌న చెప్పేదే న‌మ్ముతామ‌ని కొంద‌రు వాదిస్తున్నారు. టిడిపి గెలుపుపై ఎటువంటి అనుమానం లేక‌పోయినా..ఆరా మ‌స్తాన్ ఏదో చెప్పాడ‌ని, ఏదో అవుతుంద‌ని కొంద‌రు టిడిపి సానుభూతిప‌రులు, మ‌రి కొంద‌రు టిడిపి గెలుపుపై అనుమానాలు వ్య‌క్తం చేస్తున్నారు. అయితే..ఇదే స‌మ‌యంలో టిడిపి అనుకూలంగా వ‌చ్చిన మ‌రో స‌ర్వేను వారు అస‌లు ప‌ట్టించుకోవ‌డం లేదు. గ‌తంలో ఆరా మ‌స్తాన్ కంటే విశ్వ‌స‌నీయ‌మైన స‌ర్వే ఇచ్చిన కెకె స‌ర్వేను వారు ప‌రిగ‌ణ‌లోకి తీసుకోవ‌డం లేదు. గ‌త ఎన్నిక‌ల్లో వైకాపాకు 151 సీట్లు వ‌స్తాయ‌ని, అంకె త‌ప్ప‌కుండా చెప్పిన కెకె స‌ర్వే ఇప్పుడు టిడిపి కూట‌మికి 161 సీట్లు వ‌స్తాయ‌ని చెబుతోంది. 

ఆరా మ‌స్తాన్ కంటే ఖ‌చ్చిత‌మైన అంచ‌నాలను వెలువ‌రించిన కెకె స‌ర్వేను వీరు ఎందుకు ప‌రిగ‌ణ‌లోకి తీసుకోవ‌డం లేదో అర్థం కావ‌డం లేదు. 161/175 వ‌స్తాయ‌నే కెకె స‌ర్వేపై వారికి ఎందుకు అనుమానం...? ఇటీవ‌ల జ‌రిగిన తెలంగాణ ఎన్నిక‌ల్లో కూడా కెకె స‌ర్వే ఖ‌చ్చిత‌మైన అంచ‌నాల‌నే ఇచ్చింది. కులాల వారీగా, మ‌తాల వారీగా వివ‌రంగా కెకె త‌న స‌ర్వేను ఇచ్చారు. ఖ‌చ్చిత‌మైన స‌మాచారంతో కెకె ఇచ్చిన స‌ర్వే ఆరా మ‌స్తాన్ స‌ర్వే కంటే విశ్వ‌స‌నీయ‌మైనంది. వాస్త‌వానికి ఆరా మ‌స్తాన్ వైకాపాకు మ‌ద్ద‌తుగా స‌ర్వే ఇస్తార‌ని ఎన్నిక‌ల పోలింగ్ జ‌రిగిన‌ప్ప‌టి నుంచీ రాజ‌కీయ వ‌ర్గాల్లో ప్ర‌చారం జ‌రుగుతోంది. నిన్న‌టికి నిన్న వైకాపా పార్టీ కార్యాల‌యంలో జ‌రిగిన ఆ పార్టీ నాయ‌కుల స‌మావేశంలో ఇదే అంశం చ‌ర్చ‌కు వ‌చ్చింది. ఎగ్జిట్‌పోల్స్ స‌ర్వేలో మ‌న‌పార్టీ గెలుస్తుంద‌ని ఒక్క ఆరా మ‌స్తాన్ త‌ప్ప మ‌రెవ‌రూ చెప్ప‌ర‌ని వారు చ‌ర్చించుకున్నారు. వారు చ‌ర్చించుకున్న విధంగానే నేడు ఆరా మ‌స్తాన్ వైకాపా బొటాబొటి మెజార్టీతో గెలుస్తుంద‌ని చెప్పారు. ఆయ‌న ఇచ్చిన స‌ర్వేలో కూడా కొన్ని అనుమానాస్ప‌ద‌మైన విష‌యాలు ఉన్నాయి. వైకాపాలో ఘ‌న‌మైన చ‌రిత్ర ఉన్న నాయ‌కులు, మంత్రులు, హేమాహెమీలు ఓడిపోతున్నార‌ని ఆయ‌న చెప్పారు. ఆర్థికంగా, అంగ‌బ‌లం, ఇత‌ర వ‌న‌రులు ఉన్న నాయ‌కులే ఓడిపోతే..ఇక మిగ‌తా వారి ప‌రిస్థితి ఏమిట‌నే ప్ర‌శ్న వ‌స్తోంది. అదే విధంగా ఆరా మ‌స్తాన్ స‌ర్వే సంద‌ర్బంగా వైకాపా ఎందుకు గెలుస్తుంద‌న్న ప్ర‌శ్న‌కు ఒకే ఒక స‌మాధానం ఇస్తున్నారు. మ‌హిళ‌లంతా వైకాపాకే ఓటువేశార‌ని, అందుకే గెలుస్తుంద‌ని చెబుతున్నారు. రాష్ట్రంలో ఉన్న మ‌హిళ‌లంద‌రూ వైకాపాకు ఓటువేయ‌రు క‌దా..?  వారిలో కూడా పార్టీలు ఉంటాయి క‌దా..? మ‌రి ఆ విష‌యాన్ని ఆయ‌న ఎలా మ‌రిచిపోయారు. మ‌హిళ‌ల‌కు సొమ్ములు ఇచ్చార‌ని,  వారంతా జ‌గ‌న్‌కు ఓటువేశార‌ని, వైకాపా నాయ‌కునిలా చెబుతోన్న ఆరా మ‌స్తాన్ అదే మ‌హిళ‌ల‌కు ఇచ్చిన సంపూర్ణ‌మ‌ద్య‌పాన నిషేద‌హామీని గాలికి వ‌దిలేశార‌ని, త‌మ భ‌ర్త‌లు, తండ్రులు, పిల్ల‌లు జ‌గ‌న్ తాపిస్తోన్న నాసిర‌కమైన మ‌ద్యానికి బ‌లైన విష‌యాన్ని మ‌రిచిపోయారా..?  మొత్తం మీద ఆరా మ‌స్తాన్ స‌ర్వే త‌ప్ప, విశ్వ‌స‌నీయ‌తలేని స‌ర్వే ఏదీ వైకాపాకు అనుకూలంగా రాలేదు. ఇక కెకె స‌ర్వే మాత్రం నిజంగా కేక పుట్టిస్తోంది. ఆ స‌ర్వే అంచ‌నాలు నిజ‌మైతే..ఇక జ‌గ‌న్ రాజ‌కీయాల‌కు శాశ్వితంగా సెల‌వుతీసుకోవాల్సిందే..!