లేటెస్ట్

రాష్ట్రాన్ని డ్రగ్సాంధ్రప్రదేశ్‌గా మార్చారు:జీవీ

ముఖ్యమంత్రి వైఎస్‌ జగన్మోహన్‌రెడ్డి రాష్ట్రాన్ని డ్రగ్సాంధ్రప్రదేశ్‌గా మార్చారని వినుకొండ మాజీ ఎమ్మెల్యే జీ.వీ.ఆంజనేయులు ఆరోపించారు. అమరావతిలోని పార్టీ కేంద్రకార్యాలయంలో ఆయన విలేకరులతో మాట్లాడుతూ రాష్ట్రాన్ని జగన్‌ నాశనం చేశారని, తాను జైలుకు వెళ్లి వచ్చాను కనుక, తనను ప్రశ్నించే వారందరినీ జైలుకు పంపించాలనే దుర్మార్గపు ఆలోచనతో ముఖ్యమంత్రి ఉన్నారని ఆయన విమర్శించారు. రాష్ట్రంలో గంజాయి, ఇతర మాదక ద్రవ్యాల చలామణీపై, పొరుగు రాష్ట్రాల పోలీసు అధికారులు చేస్తోన వ్యాఖ్యలపై ముఖ్యమంత్రి సమాధానం చెప్పాలని ఆయన డిమాండ్‌ చేశారు. ప్రశ్నించినందుకే టిడిపి నేతలపై కేసులు పెడుతున్నారని, వీరి దుర్మార్గాలకు కాలం చెల్లిందని ఆయన అన్నారు. టిడిపి కార్యాలయంపై దాడి చేసిందే కాకుండా దాన్ని కప్పిపుచ్చుకునేందుకు జనాగ్రహదీక్షలు అంటూ వైకాపా నాయకులు దీక్షలు చేశారని, కానీ వారి దీక్షలకు ప్రజలు స్పందించలేదని,న్యాయం తమవైపునే ఉందన్నారు. వైకాపా జనాగ్రదీక్షలు కేవలం 20 నియోజకవర్గాల్లోనే నామమాత్రంగా జరిగాయని, దీనిని బట్టి చూస్తే ప్రజలు వైకాపా ప్రభుత్వంపై ఎంత ఆగ్రహంగా ఉన్నారో అర్ధం అవుతుందన్నారు. ముఖ్యమంత్రి పబ్జీ ఆటతో మునిగితేలుతుంటే, ఆయన పాలేరు సజ్జల రాష్ట్రంపై పెత్తనం చెలాయిస్తున్నారని, సిఎం జగన్‌ ఎంత త్వరగా జైలుకు వెళితే అంత తొందరగా సిఎం కావచ్చునని ‘సజ్జల’ గోతికాడ నక్కవలే కాచుకూర్చున్నారని ఆరోపించారు. ‘గన్నవరం’ ఎమ్మెల్యే ‘వల్లభనేని వంశీ’ భాషను ఆయన భార్య, తల్లి అసహ్యించుకుంటున్నారని, ఆయన పశువు కన్నా హీనంగా మాట్లాడుతున్నారని, రాబోయే రోజులను గుర్తుపెట్టుకుని ‘వంశీ’ మసులుకోవాలని ఆయన హెచ్చరించారు. ‘వంశీ’ ఇలానే మాట్లాడితే రాష్ట్ర ప్రజలు ఆయ‌న‌కు చెప్పులతో సత్కారం చేస్తారన్నారు.

  • ( 0)
  • -
  • ( 0)

అభిప్రాయాలూ