ఆంధ్ర‌ప్ర‌దేశ్ ప్ర‌జ‌ల జీవ‌నాడి అయిన పోల‌వ‌రానికి మ‌ళ్లీ మంచి రోజులు వ‌చ్చాయి. వైకాపా ప్ర‌భుత్వ ప‌త‌నంతో ఈ ప్రాజెక్టు నిర్మాణం శ‌ర‌వేగంగా జ‌రుగుతుంద‌నే భ‌రోసా ప్ర‌జ‌ల‌కు వ‌చ్చింది. గ‌త ఐదేళ్ల జ‌గ‌న్ పాల‌న‌లో ఈ ప్రాజెక్టు నిర్మాణం దాదాపు ఆగిపోయింది. ముఖ్య‌మంత్రిగా ఉన్న జ‌గ‌న్‌కు ఆ ప్రాజెక్టు నిర్మాణంపై పెద్ద‌గా ఆస‌క్తి లేక‌పోవ‌డంతో ప్రాజెక్టు నిర్మాణం ఎక్క‌డ వేసిన గొంగ‌ళి అక్క‌డే అన్న చంద‌మైంది. అధికారంలోకి రాక‌ముందు ప్రాజెక్టును నిర్మిస్తామ‌ని హామీలు ఇచ్చిన జ‌గ‌న్ త‌రువాత కాంట్రాక్ట‌ర్ల ద‌గ్గ‌ర నుంచి ముడుపులు పుచ్చుకోవ‌డంలోనే శ్ర‌ద్ధ చూపారు త‌ప్ప దాని నిర్మాణాకి చిత్త‌శుద్ధితో ప‌నిచేసిన దాఖాలు లేవు. అధికారంలోకి వ‌చ్చిన వెంట‌నే అప్ప‌టి వ‌ర‌కు పోల‌వరం ప్రాజెక్టు ప‌నుల‌ను శ‌ర‌వేగంతో పూర్తి చేస్తోన్న న‌వ‌యుగ కాంట్రాక్ట్ సంస్థ‌ను త‌ప్పించి, త‌న‌కు ముడుపులు ముట్ట‌చెప్పే త‌న కులానికి చెందిన సంస్థ‌ను రంగంలోకి తెచ్చారు. స‌రే..ఎవ‌రో ఒక‌రు....ప్రాజెక్టును నిర్మిస్తే చాల‌ని ప్ర‌జ‌లు అనుకున్నా...ప్ర‌భుత్వం మాత్రం దాని నిర్మాణంపై పెద్ద‌గా కృషి చేయ‌లేదు. కానీ..అసెంబ్లీలో మాత్రం సాగునీటి మంత్రులు  వుయ్ విల్ కంప్లీట్ దిస్ ప్రాజెక్టు ఇన్ 2020 అంటూ ఒక‌టే రంకెలేశారు. ఐదేళ్ల కాలంలో రంకెలు వెయ్య‌డం త‌ప్ప మ‌రేమీ చేయ‌లేక‌పోయారు. రంకెలు మంత్రి త‌రువాత వ‌చ్చిన మంత్రి అస‌లు పోల‌వ‌రం ఏమిటో త‌న‌కేమీ అర్థం కాలేద‌ని, దాన్ని అర్థం చేసుకోవాలంటే చాలా తెలివితేట‌లు కావాల‌ని, అంత తెలివి త‌న ద‌గ్గ‌ర లేద‌ని మీడియా సాక్షిగా చెప్పేశారు. ఇక అప్ప‌టి ముఖ్య‌మంత్రి సంగ‌తి చెప్ప‌న‌వ‌స‌ర‌మే లేదు..అసెంబ్లీలో..ఇటూ..అటూ..అంటూ చేతులు తిప్పుతూ ఏదేదే చెప్పారు. అసెంబ్లీలో ఉన్న‌వాళ్ల‌లో ఎవ‌రికైనా అది అర్థం అయిందో..లేదో కానీ..బ‌య‌ట ఉన్న‌వాళ్ల‌కు మాత్రం...అదేదో...సినిమాలో బ్ర‌హ్మానందం...చేసిన కామెడీ గుర్తుకు వ‌చ్చింది. విలువైన ఐదేళ్ల కాలాన్ని..రంకెలేసి, దబాయించి నెట్టుకొచ్చిన జ‌గ‌న్ అండ్ కో కు ఎన్నిక‌ల్లో ప్ర‌జ‌లు క‌ర్రుకాల్చి వాత పెట్టారు. 

న‌వయుగానా...లేక‌..మెఘానా...?

జ‌గ‌న్ అండ్ కో బృందానికి చేత‌కాద‌ని చంద్ర‌బాబును ప్ర‌జ‌లు న‌మ్ముకున్నారు. వారి న‌మ్మ‌కాన్ని ఆయ‌న నిల‌బెట్టాల్సిన అవ‌స‌రం ఎంత ఉందో..ఆయ‌న‌కు తెలియ‌నిది కాదు. ప్ర‌జ‌ల న‌మ్మ‌కాన్ని నిల‌బెడుతూ..ఆయ‌న అధికారంలోకి వ‌చ్చిన వెంట‌నే..పోల‌వ‌రాన్ని సంద‌ర్శించి..వారం వారం పోల‌వ‌రం కార్య‌క్ర‌మాన్ని ప్రారంభించారు. అయితే..ఇలా స‌మీక్ష‌లు చేస్తే..పోల‌వ‌రం పూర్తి కాదు. గ‌త ఐదేళ్ల జ‌గ‌న్ నిర్వాహ‌కంతో మ‌ళ్లీ మొద‌టికి వ‌చ్చిన ప్రాజెక్టు నిర్మాణానికి మొద‌టి అడ్డంకు నిధుల స‌మ‌స్య‌. గ‌త టిడిపి హ‌యాంలో బిజెపి ప్ర‌భుత్వం నిధులు ఇవ్వ‌క‌పోయినా..చంద్ర‌బాబు ప్ర‌భుత్వ‌మే ముందుగా నిధుల‌ను ఖ‌ర్చు చేసి త‌రువాత తీసుకుంది. అయితే..అప్ప‌టి నుంచి ఇప్ప‌టి వ‌ర‌కు ప్రాజెక్టు అంచ‌నాలు పెర‌గ‌డంతో..ప్రాజెక్టు నిర్మాణ ఖ‌ర్చు పెరిగిపోతోంది. పెరిగిన నిర్మాణ‌ఖ‌ర్చును భ‌రించ‌డానికి కేంద్రం సిద్ధంగా లేదు. రోజు గ‌డ‌ప‌డానికి అప్పులే త‌ప్ప మ‌రో దిక్కులేని ఆంధ్ర‌ప్ర‌భుత్వ పెరిగిన ఖ‌ర్చును భ‌రించ‌లేదు. ఈ ప‌రిస్థితుల్లో కేంద్రం ఉదారంగా ఆదుకుంటే త‌ప్ప పోల‌వ‌రం ప‌నులు ముందుకు సాగ‌వు. మ‌రో వైపు పోల‌వ‌రాన్ని నిర్మిస్తోన్న కాంట్రాక్ట‌ర్‌ను కొన‌సాగిస్తారా..?  లేక వారిని త‌ప్పించి గ‌తంలో ప‌నులు చేసిన న‌వ‌యుగ‌ను మ‌ళ్లీ రంగంలోకి తెస్తారా..? అనేదానిపై అనుమానాలు వ్య‌క్తం అవుతున్నాయి. న‌వ‌యుగ సంస్థ వేగంగా ప్రాజెక్టు నిర్మాణ ప‌నులు చేసింది. ఆ సంస్థే దాదాపు 70శాతం ప‌నులు చేసింది. త‌రువాత వ‌చ్చిన మెఘా సంస్థ కేవ‌లం 4శాతం ప‌నులు మాత్ర‌మే చేసింది. ఈ రెండు సంస్థ‌ల్లో చంద్ర‌బాబు ఎవ‌రిని ఎంచుకుంటారా..? అనేదానిపై రాజ‌కీయ‌, అధికార‌వ‌ర్గాల్లో చ‌ర్చ సాగుతోంది. 

మెఘా కోసం ఉత్త‌రాంధ్ర ఎంపి లాబీయింగ్‌

వాస్త‌వానికి గ‌తంలో బాగా ప‌నిచేసినా..న‌వ‌యుగ‌ను జ‌గ‌న్ త‌రిమేశారు. త‌న కులానికి చెందిన మెఘాపై ఆయ‌న అవాజ్యమైన ప్రేమ‌ను చూపించారు. రివ‌ర్స్ టెండ‌రింగ్ అంటూ...ప్రాజెక్టు నిర్మాణాన్ని మెఘాకు అప్ప‌చెప్పారు. అయితే..నిధులు దోచుకోవ‌డంలో ఉన్న శ్ర‌ద్ధ‌ను నిర్మాణంపై జ‌గ‌న్ చూపించ‌లేద‌నేది ప‌చ్చివాస్త‌వం. వాస్త‌వానికి మెఘా అంత తీసేసే సంస్థ కాదు. తెలంగాణ‌లో కాళేశ్వ‌రం ప్రాజెక్టును స‌కాలంలోనే పూర్తిచేసింది. (నిర్మాణంలో లోపాలు త‌రువాత బ‌య‌ట‌ప‌డ్డాయి) అదే విధంగా చంద్ర‌బాబు అధికారంలో ఉన్న‌ప్పుడు ప‌ట్టిసీమ‌ను రికార్డుస్థాయిలో పూర్తి చేసింది. అయితే..గ‌త ఐదేళ్ల‌లో ఎటువంటి ప‌నులు చేయ‌క‌పోవ‌డంతో..ఇప్పుడు ఆ సంస్థ‌ను ప‌క్క‌న పెట్టి..న‌వ‌యుగ‌ను రంగంలోకి దించుతార‌నే అభిప్రాయాలు ఉన్నాయి. అయితే...మెఘా సంస్థ త‌రుపున బిజెపికి చెందిన ఒక పార్ల‌మెంట్ స‌భ్యుడు లాబీయింగ్ చేస్తున్నార‌నే మాట రాజ‌కీయ‌, అధికార‌, మీడియా వ‌ర్గాల్లో సాగుతోంది. మెఘా అథినేతను ఇటీవ‌ల చంద్ర‌బాబు వ‌ద్ద‌కు స‌ద‌రు ఎంపి తీసుకెళ్లార‌నే ప్ర‌చారంసాగింది. అదే విధంగా మెఘాసంస్థ నుండి టిడిపి పార్టీకి ఎన్నిక‌ల బాండ్లు అందాయ‌ని కూడా వార్త‌లు వ‌చ్చాయి. ఈ మొత్తం వ్య‌వ‌హారాలు చూసుకుంటే.. ప్ర‌స్తుతానికి ప్రాజెక్టులో ప‌నిచేస్తోన్న మెఘా కంపెనీని కొన‌సాగిస్తారా..?  లేక వారిని ప‌క్క‌కు పెట్టి వేరేవారికి ప‌నులు అప్ప‌గిస్తారా..? అనేదానిపై ర‌స‌వ‌త్త‌ర‌మైన చ‌ర్చ సాగుతోంది. చంద్ర‌బాబు క‌నుక మెఘాను కొన‌సాగిస్తే..ఆయ‌న‌పై టిడిపి కార్య‌క‌ర్త‌లు, సానుభూతిప‌రులు పెద్ద ఎత్తున దండెత్తుతార‌న‌డంలో ఎటువంటి సందేహం లేదు. అతి త్వ‌ర‌లో ఈ వ్య‌వ‌హారంలో స్ప‌ష్ట‌త వ‌స్తుంది.