బీసీ సంఘం నాయ‌కులు ఆర్‌.కృష్ణ‌య్య ఇక నుంచి బిజెపి నాయ‌కులు అయిపోయారు. ఇంత‌కు ముందు వైకాపా నుంచి రాజ్య‌స‌భ‌కు ఎన్నికైన ఆయ‌న ఇప్పుడు బిజెపి నుంచి రాజ్య‌స‌భ‌కు ఎన్నిక‌కాబోతున్నారు. తెలంగాణ‌కు చెందిన ఆర్‌.కృష్ణ‌య్య వ‌ల్ల త‌న పార్టీకి మేలు జ‌రుగుతుంద‌ని, ఆయ‌న వ‌ల్ల బీసీలంతా గంప‌గుత్త‌గా త‌న పార్టీకి ఓటు వేస్తార‌ని వైకాపా అధ్య‌క్షుడు వై.ఎస్‌.జ‌గ‌న్మోహ‌న్‌రెడ్డి న‌మ్మి ఆయ‌న‌ను ఆంధ్రా నుంచి రాజ్య‌స‌భ‌కు పంపించారు. రాజ్య‌స‌భ స‌భ్య‌త్వం ద‌క్కాలంటే ఆయా పార్టీల అధినేత‌ల‌కు లేక ఆయా పార్టీల‌కు భారీగా విరాళాలు ఇవ్వాల్సిందే. కొంత మంది దీన్ని ముడుపులంటారు..కొంత మంది అమ్ముకున్నార‌ని ఆరోపిస్తుంటారు. ఏది అయితే..ఏమిటి కానీ..రాజ్య‌స‌భ స‌భ్య‌త్వం ద‌క్కాలంటే..భారీగా సొమ్ములు స‌మ‌ర్పించుకోవాల్సిందే. అయితే..ఆర్.కృష్ణ‌య్య అదృష్ట‌వంతుడు. ఎందుకంటే..జ‌గ‌న్ త‌న స్వంత బంధువుల వ‌ద్ద నుంచి కూడా..భారీగానే సొమ్ములు లాగిన త‌రువాతే...రాజ్య‌స‌భ సీటు ఇచ్చార‌నే ప్ర‌చారం ఉంది. అయితే..ఆర్‌.కృష్ణ‌య్య వ‌ద్ద నుంచి పైసా తీసుకోకుండా...ఆయ‌న‌ను రాజ్య‌స‌భకు పంపించారు. జ‌గ‌న్ వంటి నాయ‌కుడినే బురిడీ కొట్టించిన ఘ‌న‌త ఆర్‌.కృష్ణ‌య్య‌ది. ఒక‌ప్పుడు చంద్ర‌బాబును బురిడీ కొట్టించి..తెలంగాణ ముఖ్య‌మంత్రి స్థాయికి వెళ్లారు. తెలంగాణ‌లో టిడిపి గెలిస్తే..ఆర్‌.కృష్ణ‌య్యే ముఖ్య‌మంత్రి అని చంద్ర‌బాబు ప్ర‌క‌టించారు. మ‌రి ఆర్‌.కృష్ణ‌య్య‌లో ఏమి చూసి..చంద్ర‌బాబు ఆ ప‌ద‌వికి ఆయ‌న పేరు ప్ర‌క‌టించారో..తెలియ‌దు. కానీ..బీసీలంతా..త‌న వెంట‌నే ఉన్నార‌న్న‌ట్లు..ఆర్‌.కృష్ణ‌య్య ఇచ్చే బిల్డ‌ప్‌కు బాబు, జ‌గ‌న్ లు ఇద్ద‌రూ ప‌డిపోయారు. అయితే..వారి త్వ‌ర‌గానే కృష్ణ‌య్య క‌ళ్లు తెరిపించారు. త‌న వ‌ల్ల ఒక్క ఓటు కూడా రాద‌ని చంద్ర‌బాబు, జ‌గ‌న్‌లు అనుభ‌వ‌పూర్వ‌కంగా తెలుసుకున్నారు. అయితే..ఇప్పుడు ఆర్‌.కృష్ణ‌య్య బిజెపి పెద్ద‌లకు గాలం వేశారు. తెలంగాణ‌లోని బీసీలంతా ఇప్పుడు ఆర్‌.కృష్ణ‌య్య వెంట ఉన్న‌ట్లు..వారు న‌మ్ముతున్నారు. అందుకే..ఆంధ్రాలో ఆయ‌న‌కు మ‌ళ్లీ రాజ్య‌స‌భ సీటు ఇప్పించారు. వ‌చ్చే ఎన్నిక‌ల్లో కానీ..తెలియ‌దు..కృష్ణయ్య స‌త్తా ఏమిటో..మొత్తానికి ఆ పార్టీ ఈ పార్టీ తిరిగి..తిరిగి కృష్ణ‌య్య బిజెపి పంచ‌న చేరారు. మ‌రి ఈ పార్టీలో ఎన్నాళ్లుంటారో..చూడాలి. ఒక‌ప్పుడు ఆంధ్ర‌జ్యోతిలో బాడుగనేత‌లంటూ ఒక బ్యాన‌ర్ స్టోరీ ప్ర‌చురించారు. అప్ప‌ట్లో కృష్ణ‌య్య‌ను ఉద్దేశించే ఈ వార్త రాశారు. అయితే..అప్ప‌ట్లో ఈ వార్త‌పై పెద్ద దుమారం రేగింది. త‌రువాత స‌ద్దుమ‌ణిగింది. బీసీ నేత‌ల‌ను అవ‌మానిస్తున్నార‌ని..వ్యాఖ్యానించేవారు..రోజుకో పార్టీని మోస్తోన్న‌వాళ్ల‌ను..ఏ విధంగా..అభివ‌ర్ణిస్తారో....మ‌రి..?