లేటెస్ట్

అధిష్టానం ఇచ్చిన సొమ్ములతో...పొలాలు కొనుక్కున్నారట...!

అసెంబ్లీఎన్నికలు అయిపోయిన తరువాత...టిడిపి ఎమ్మెల్యేల వ్యవహారశైలి చూసి టిడిపి సీనియర్‌ నాయకులు, కార్యకర్తలు, సానుభూతిపరులు విస్తుపోతున్నారు. హోరాహోరిగా సాగిన ఎన్నికల్లో ఎలాగైనా గెలవాలని తపనపడాల్సిన పార్టీ అభ్యర్థులు కొందరు..ఎందుకొచ్చిన ఎన్నికల్లే..ఇప్పటికే ఒకసారి గెలిచాం..సంపాదించుకున్నాం..సంపాదించిన సొమ్మును ఎందుకు ఖర్చు చేయాలి...? గాలి తోలితే...గెలుస్తాం...లేకుంటే ఇంట్లో ఉంటాం..అనవసరంగా సంపాదించిన సొమ్ము పోగొట్టుకోవాలనే ఉద్దేశ్యంతో రూపాయి బయటకు తీయలేదట. తీయకపోతే పోయారు..ఎన్నికల ఖర్చుల కోసం అధిష్టానం పంపిన సొమ్ములను ఖర్చు చేయకుండా...పొలాలు కొనుకున్నారట. ఈ వ్యవహారంపై పార్టీలో ఇప్పుడు చర్చ జరుగుతోంది. ఎమ్మెల్యే అభ్యర్థులే కాదు..కొందరు మంత్రులు కూడా ఈ విధంగా వ్యవరించారని తెలుస్తోంది.

రాజధాని జిల్లాల్లో ఉన్న మంత్రి ఒకరు ఈవిధంగా చేశారని టిడిపి నాయకులు బాహాటంగా చెబుతున్నారు. రాజకీయాల్లోకి గాలివాటంగా వచ్చిన ఆ మంత్రి తాను పోటీ చేసిన దగ్గర ఖచ్చితంగా తాను ఓడిపోతానని..ఇంకెందుకు సొమ్ములు ఖర్చు చేయాలని ప్రశ్నించారట. అంతే కాదు..టిడిపి అధిష్టానం ఇచ్చిన సొమ్ముతో భారీగా పొలాలు కొనుగోలు చేశారని ప్రచారం జరుగుతోంది. స్వంత జిల్లాతో పాటు పొరుగు జిల్లాలోనూపొలాలు కొన్నారని దీనిపై టిడిపి అధిష్టానం ఆరా తీస్తోందట. కాగా..ఈ వ్యవహారంపై ఆయనను కొందరు టిడిపి నాయకులు ప్రశ్నించినప్పుడు..'అవును..నేను గెలవను..ఆసొమ్ములతో..పొలాలు కొన్నాను..' తప్పేముందని ప్రశ్నించారట...? టిక్కెట్ల సమయంలో తాను మాత్రమే గెలుస్తానని, సామాజికవర్గాన్ని అడ్డుపెట్టుకుని...బ్లాక్‌మెయిల్‌ చేసి టిక్కెట్‌ సాధించిన ఈయనగారు..ఎన్నికల సమయంలో వ్యవహరించిన తీరుతో అధిష్టానం షాక్‌కు గురైందట. ఆయన తన సీటుతో పాటు..గతంలో తాను ప్రాతినిధ్యం వహించిన సీటు విషయంలో కూడా...తలదూర్చి..అక్కడా పార్టీ ఓడిపోవడానికి కారకుడవుతున్నారని తెలుస్తోంది. మొత్తం మీద..రటువంటి నాయకులనుపార్టీలోకి తెచ్చుకుని ప్రోత్సహించి మంత్రి పదవులు ఇస్తే...వాళ్లు పార్టీని వాడుకుని..పీల్చిపిప్పి చేసి...ఊసేసిపోతున్నారని సగటు టిడిపి కార్యకర్త ఆవేదన వ్యక్తం చేస్తున్నారు. 

(368)
  • (0)
  • -
  • (0)

అభిప్రాయాలూ