రైల్యే ఉద్యోగాలను ఆశించేవారు చట్టవిరుద్ధమైన కార్యక్రమాలకు పాల్పడితే, రైల్వే ఉద్యోగాన్ని పొందకుండా జీవిత కాలం నిషేదం విధిస్తామని కేంద్ర రైల్వే మంత్రిత్వశాఖ హెచ్చరించింది. ఈ మేరకు మంగళవారం నాడు ఒక ప్రకటనను విడుదల చేసింది. ఆ ప్రకటన ప్రకారం, రైల్వే ఉద్యోగాలను ఆశించేవారు రైల్వే ట్రాక్‌లపై నిరసనలు, రైలు నిర్వహణకు అంతరాయం కలిగించడం, రైల్వే ఆస్తులను ధ్వంసం చేయడం వంటి విధ్వంసం/చట్టవిరుద్ధమైన కార్యకలాపాలకు పాల్పడ్డారని  తేలితే వారిపై జీవితకాలం నిషేదం విధిస్తామని ఈరోజు విడుదల చేసిన పబ్లిక్‌ నోటీసులో రైల్వే మంత్రిత్వ శాఖ పేర్కొంది. ఇటువంటి తప్పుదారి పట్టించే చర్యలు రైల్వే/ప్రభుత్వ ఉద్యోగాలకు అనుచితంగా ఉండేలా చేసే క్రమశిక్షణా రాహిత్యానికి సంబంధించిన అత్యున్నత స్థాయి అని నోటీసులో పేర్కొన్నారు.

అటువంటి కార్యకలాపాల వీడియోలు ప్రత్యేక ఏజెన్సీల సహాయంతో పరిశీలించబడతాయి మరియు చట్టవిరుద్ధమైన కార్యకలాపాలకు పాల్పడిన అభ్యర్థులు/ఆశావాదులు పోలీసు చర్యతో పాటు రైల్వే ఉద్యోగం పొందకుండా జీవితకాలం నిషేధించబడతారు. రైల్వే రిక్రూట్‌మెంట్‌ బోర్డులు (ఆర్‌ఆర్‌బీ) అత్యున్నత ప్రమాణాల సమగ్రతను కాపాడుతూ న్యాయమైన మరియు పారదర్శకమైన నియామక ప్రక్రియను నిర్వహించడానికి కట్టుబడి ఉన్నాయని నోటీసులో పేర్కొన్నారు. రైల్వే ఉద్యోగాలు ఆశించేవారు/అభ్యర్థులు తమ స్వార్థ ప్రయోజనాల కోసం తమను ఉపయోగించుకోవాలని ప్రయత్నిస్తున్న అటువంటి అంశాల ప్రభావానికి లోనుకావద్దని, తప్పుదారి పట్టవద్దని సూచించారు.