లేటెస్ట్

రైల్వే అభ్యర్థుల అభ్యంతరాలపై ప్రత్యేక శిబిరాలను ఏర్పాటు చేసిన దక్షిణ మధ్య రైల్యే

సికింద్రాబాద్‌: ఆర్‌ఆర్‌బీ సీఈఎస్‌ 01/2019 మరియు సీఈఎన్‌ ఆర్‌ఆర్‌సీ 01/2019(లెవల్‌-1) పరీక్షకు హాజరైన అభ్యర్థుల అభ్యంతరాలను స్వీకరించడానికి దక్షిణ మధ్య రైల్వే ప్రత్యేక శిబిరాలను ఏర్పాటు చేస్తున్నట్లు నేడు ఒక ప్రకటనలో తెలిపింది. రైల్వే రిక్రూట్‌మెంట్‌ బోర్డు జారీ చేసిన నాన్‌`టెక్నికల్‌ పాపులర్‌ కేటగిరీస్‌ (ఎన్‌టిపిసి)కి సంబంధించి సెంట్రలైజ్డ్‌ ఎంప్లాయిమెంట్‌ నోటిఫికేషన్‌ (సీఈఎస్‌) 01/2019 యొక్క మొదటి దశ కంప్యూటర్‌ ఆధారిత పరీక్ష (సీబీటీ) ఫలితాలను 2022 జనవరి 14-15 తేదీల్లో ప్రకటించింది. దీనిపై అభ్యంతరాలు వ్యక్తం చేసే సందేహాలను, ఫిర్యాదులను మరియు అనుమానాలను పరిశీలించేందుకు రైల్వే మంత్రిత్వశాఖ ఒక అత్యున్నత కమిటీని ఏర్పాటు చేసిందని, అందుకు అనుగుణంగా అభ్యర్థుల నుండి వారి ఫిర్యాదులను, సందేహాలను మరియ సూచనలను స్వీకరించేందుకు దక్షిణ మధ్య రైల్యే దిగువ తెలిపిన విధంగా 28.01.2022 నుండి 16.02.2022 వరకు ప్రత్యేక శిబిరాలను ఏర్పాటు చేసిందని దక్షిణ మధ్య రైల్యే విడుదల చేసిన ప్రకటనలో పేర్కొంది.


సికింద్రాబాద్‌లోని ద.మ.రై ప్రధాన కార్యాలయం నందు శుక్రవారం ఉదయం 10.30 గం.లు నుండి 17.30 గం.ల వరకు తమ అనుమానాలను, ఫిర్యాదులను, అభ్యంతరాలను తెలియచేయవచ్చునని తెలియజేసింది. రైల్యే రిక్రూట్‌మెంట్‌ బోర్డు, సికింద్రాబాద్‌ నందు సోమవారం నుండి శుక్రవారం వరకు, డీఆర్‌ఎమ్‌ కార్యాలయం సికింద్రాబాద్‌ డివిజన్‌ నందు మంగళవారం నుండి గురువారం వరకు, డిఆర్‌ఎమ్‌ కార్యాలయం గుంతకల్‌ డివిజన్‌ నందు సోమవారం మరియ మంగళవారం, డిఆర్‌ఎమ్‌ కార్యాలయం, గుంటూరు డివిజన్‌, గుంటూరు నందు మంగళవారం, డీఆర్‌ఎమ్‌ కార్యాలయం, నాందేడ్‌ డివిజన్‌, నాందేడ్‌ నందు గురువారం, డిఆర్‌ఎమ్‌ కార్యాలయం, విజయవాడ డివిజన్‌, విజయవాడలో గురువారం మరియు శుక్రవారం నాడు పరీక్షలకు హాజరైన అభ్యర్థులు కోవిడ్‌ నిబంధనలు పాటిస్తూ శిబిరాలకు వ్యక్తిగతంగా హాజరై వారి విజ్ఞప్తులను మరియు అభిప్రాయాలను దాఖలు చేసుకోవచ్చని దక్షిణమధ్య రైల్వే తెలిపింది.

  • ( 0)
  • -
  • ( 0)

అభిప్రాయాలూ