లేటెస్ట్

'చంద్రబాబు' బినామీకి క్లీన్‌చిట్‌ ఎలా వచ్చిందో...!?

ఆయనకు 'చంద్రబాబు' బినామీగా ముద్ర వేశారు. వేల కోట్ల కాంట్రాక్టులు చేస్తోన్న ఆ వ్యక్తిపై ఐటి దాడులు జరిగి భారీగా సొమ్ములు బయటపడడంతో..ఆ సొమ్మంతా ఆంధ్రప్రదేశ్‌ మాజీ సిఎం 'చంద్రబాబునాయుడు'దని, ఆయన అవినీతి చేసిన సొమ్మును బినామీ వద్ద దాచారని, అందుకే ఆయనకు టీటీడీ పదవి ఇచ్చారని తమిళనాడుకు చెందిన కాంట్రాక్టర్‌ 'శేఖర్‌రెడ్డి' గురించి అప్పట్లో ప్రచారసాధనాలు వార్తలు వండివర్చాయి. చంద్రబాబుకు బినామీ కనుకనే...ఆయనకు టీటీడీ మెంబర్‌గా నామినేటెడ్‌ చేశారని, ఆయనను పూర్తిగా విచారిస్తే...'చంద్రబాబు' బాగోతం బయటకు వస్తుందని ప్రచారం జరిగింది. అంతే కాకుండా 'శేఖర్‌రెడ్డి' 'చంద్రబాబు' కుమారుడు 'నారా లోకేష్‌'కు వందకోట్లు లంచం ఇచ్చి టిటిడి మెంబర్‌ అయ్యారని కూడా వార్తలు వండారు. చంద్రబాబు, ఆయన కుమారుడు అవినీతి పరులను ప్రోత్సహిస్తున్నారని ధ్వజమెత్తారు. ఐటి అధికారులు 'శేఖర్‌రెడ్డి' ఇంటిపై దాడి చేసి భారీగా నగదును కనుగొనడంతో..అప్పట్లో ఆయన టిటిడి పాలక మండలి సభ్యత్వాన్ని అప్పటి ప్రభుత్వం రద్దు చేసింది. తరువాత ఆయనపై పలు కేసులు నమోదు అయ్యాయి. అయితే తాజాగా...ఆయన కేసుల నుంచి బయట పడ్డారు. 'చంద్రబాబు' బినామీగా ప్రచారం చేసిన మీడియా సంస్థలు ఆయన ఇప్పుడు పరిశుద్దుడని, ఆయన ఎటువంటి అవినీతికి పాల్పడలేదని ప్రచారం చేస్తున్నాయి. అంతే కాకుండా...అప్పట్లో 'చంద్రబాబే' ఆయనను ఇరికించారని ఎదురు దాడి చేస్తున్నాయి. దీని 'శేఖర్‌రెడ్డి' కూడా వత్తాసు పలుకుతున్నాడు. నాటి టిడిపి ప్రభుత్వం తనను అన్యాయంగా పాలక మండలి నుంచి తొలగించిందని, ఇదంతా కావాలని 'చంద్రబాబు' చేశారని ఆరోపిస్తున్నారు. ఒకప్పుడు 'చంద్రబాబు' బినామీగా ప్రచారం చేసిన మీడియా ఇప్పుడు..ఆ వ్యక్తి సచ్ఛీలుడని సర్టిఫికెట్‌ ఇస్తోంది. మొత్తం మీద 'చంద్రబాబు'కు బినామీగా ప్రచారం జరిగిన వ్యక్తి...తనకూ 'చంద్రబాబు' అన్యాయం చేశాడని ప్రచారం చేయడం కొసమెరుపు. 

(392)
  • (0)
  • -
  • (0)

అభిప్రాయాలూ