సోష‌ల్ మీడియా సైకో వ‌ర్రా ర‌వీంద్ర‌రెడ్డి ఎట్ట‌కేల‌కు పోలీసుల‌కు ప‌ట్టుబ‌డ్డాడు. అత‌నిని మ‌రి కాసేప‌టిలో మీడియా ముందు పోలీసులు ప్ర‌వేశ‌పెట్ట‌నున్నారు. సోష‌ల్ మీడియాలో ముఖ్య‌మంత్రిచంద్ర‌బాబునాయుడు, ఉప‌ముఖ్య‌మంత్రి ప‌వ‌న్ క‌ళ్యాణ్‌, మంత్రి లోకేష్‌, హోంమంత్రి అనిత‌, పిసిసి అధ్య‌క్షురాలు వై.ఎస్‌.ష‌ర్మిల‌, వైకాపా అధ్య‌క్షుడు జ‌గ‌న్మోహ‌న్‌రెడ్డి త‌ల్లి విజ‌య‌మ్మ‌ల‌పై ర‌వీంద్రారెడ్డి ప‌చ్చిబూతులు పోస్టు చేశారు. వీరిపై కాకుండానే వారి కుటుంబ‌స‌భ్యుల‌పైనా అస‌భ్య‌, అనాగ‌రిక పోస్టుల‌ను అత‌ను సోష‌ల్‌మీడియా వేదిక‌గా చేసుకుని చేశాడు. దీనిపై రాష్ట్ర పోలీసులు దృష్టిసారించి అత‌నిని అరెస్టు చేయ‌డానికి ప్ర‌య‌త్నించ‌గా అత‌ను ప‌రార్ అయ్యారు. వారం రోజుల క్రితం ర‌వీంద్రారెడ్డిని పోలీసు స్టేష‌న్‌కు పిలిపించి 45 నోటీసులు ఇచ్చి పోలీసులు వ‌దిలేశారు. దీనిపై ప్ర‌భుత్వం ఆగ్ర‌హం వ్య‌క్తం చేయ‌డంతో పాటు, అందుకు కార‌ణ‌మైన జిల్లా ఎస్పీని బ‌దిలీ చేసింది. ఎస్పీతో పాటు ప‌లువురు పోలీసులు ర‌వీంద్రారెడ్డిని వ‌దిలేసిన విష‌యంలో స‌స్పెండ్ అయ్యారు. అత‌నిని ఎట్టి ప‌రిస్థితుల్లో అరెస్టు చేయాల‌ని ప్ర‌భుత్వ పెద్ద‌లు ఆదేశించ‌డంతో...పోలీసులు ఈ కేసును సీరియ‌స్‌గా తీసుకున్నారు. వ‌ర్రార‌వీంద్రారెడ్డిని క‌డ‌ప ఎంపి అవినాష్‌రెడ్డి దాచాడ‌ని, ఆయ‌న క‌నుస‌న్న‌ల్లోనే ర‌వీంద్రారెడ్డి ఉన్నాడ‌నే ఆరోప‌ణ‌లు ఉన్నాయి. ఈ విష‌యంలో ఎంపి పిఎ కూడా ప‌రార్‌లో ఉండ‌డంతో..పోలీసులు ఆయ‌న‌పై కేసు న‌మోదు చేశారు. మొత్తం మీద పోలీసులు గాలించి ర‌వీంద్రారెడ్డిని ప‌ట్టుకున్నారు. కాగా ర‌వీంద్రారెడ్డి మాజీ సిఎం జ‌గ‌న్మోహ‌న్‌రెడ్డి భార్య భార‌తీరెడ్డికి పిఎగా ప‌నిచేశార‌ని, ఆమె మ‌ద్ద‌తుతోనే అత‌ను చంద్ర‌బాబు, ప‌వ‌న్‌క‌ళ్యాణ్‌, లోకేష్‌, ష‌ర్మిల‌, విజ‌యమ్మ‌లపై అస‌భ్య రాత‌లు రాశాడ‌నే ఆరోప‌ణ‌లు ఉన్నాయి. కాగా ఇప్పుడు పోలీసుల‌కు దొరికిన వ‌ర్రా ఈ విష‌యంలో ఏమి చెబుతార‌నే దానిపై రాజ‌కీయంగా ఆస‌క్తి నెల‌కొంది. అత‌ను క‌నుక భార‌తిరెడ్డి పేరు చెబితే ఆమె కూడా పోలీసులు కేసు న‌మోదు చేసే అవ‌కాశం ఉంది.మొత్తం మీద‌..సోష‌ల్ సైకో బాధితులు అత‌ను అరెస్టు అయ్యార‌నే విష‌యం తెలిసి సంతోషం వ్య‌క్తం చేస్తున్నారు. అత‌నిని క‌ఠినంగా శిక్షించాల‌ని కొంద‌రు కోరుతుండ‌గా మ‌రి కొంద‌రు మాత్రం ఇలాంటి విష‌పురుగును ఎన్‌కౌంట‌ర్ చేయాల‌ని డిమాండ్ చేస్తున్నారు.