లేటెస్ట్

'జగన్‌'కు మరో షాక్‌...!?

పోలవరం ప్రాజెక్టు కాంట్రాక్టు రద్దుపై 'జగన్‌' ప్రభుత్వానికి భారీ షాక్‌ తగిలింది. ఎందుకు పోలవరం ప్రాజెక్టు కాంట్రాక్టును రద్దు చేశారో చెప్పాలంటూ పోలవరం ప్రాజెక్టు అధారిటీ ప్రభుత్వాన్ని ప్రశ్నించింది. పనిచేస్తోన్న సంస్థను వెళ్లగొడితే నిర్మాణ ఖర్చు పెరిగిపోతుంది కదా..? ఈ నష్టాన్ని ఎవరు భరిస్తారని ప్రశ్నించింది..? అంతే కాకుండా పోలవరం నిర్మాణం ఆలస్యం అవుతుందని, దీనికెవరు బాధ్యవహిస్తారో చెప్పాలని ప్రశ్నల వర్షం కురిపించింది. పోలవరం ప్రాజెక్టు కాంట్రాక్టును గత ప్రభుత్వం తనకు కావాల్సిన వారికి కట్టబెట్టి వారి వద్ద నుంచి భారీగా సొమ్ములు మూటగట్టుకుందని, దీనిలో భారీ ఎత్తున్న అవినీతి జరిగిందని, దీన్ని రద్దు చేసి రివర్స్‌ టెండర్లు నిర్వహిస్తామని, దీనితో ప్రభుత్వానికి నిధులు ఆదా అవుతాయని చెబుతూ 'వైకాపా' ప్రభుత్వం కాంట్రాక్టులు చేస్తోన్న సంస్థను నిర్మాణ బాధ్యతల నుంచి తప్పించింది. 

జాతీయ ప్రాజెక్టు అయిన 'పోలవరం' విషయంలో కేంద్రంతో చెప్పకుండా...ఏకపక్షంగా కాంట్రాక్టు సంస్థను తప్పించడంపై జాతీయ జలవనరులశాఖ మంత్రి ఆశ్చర్యాన్ని వ్యక్తం చేశారు. ఎందుకు పనిచేస్తోన్న సంస్థను పక్కకు పెట్టారో తనకు తెలియదని, ఇలా చేస్తే..పోలవరం నిర్మాణం ఆలస్యంతో పాటు..భారీగా నిర్మాణ ఖర్చుపెరుగుతుందని ఆయన లోక్‌సభ సాక్షిగా చెప్పారు. అయినా...వైకాపా ప్రభుత్వం తాను అనుకున్న విధంగా కాంట్రాక్టును రద్దుచేసి నూతనంగా టెండర్లు పిలవాలని నిర్ణయించింది. అయితే పోలవరంలో ఎటువంటి పనులు చేపట్టాలన్నా 'పోలవరం ప్రాజెక్టు అధారిటీ' అనుమ తులు అవసరం. ఆ సంస్థ నుంచి అనుమతులు లేకుండానే కాంట్రాక్టును రద్దు చేసి 'జగన్‌' ప్రభుత్వం..ఇబ్బందులను కొని తెచ్చుకుంది. ఈ రోజు హైదరాబాద్‌లో జరిగిన పీపీఏ కమిటీ సమావేశంలో దీనిపై సుధీర్ఘ చర్చ జరిగింది. రాష్ట్ర ప్రభుత్వ ఉద్దేశ్యం ఏమిటో ఎవరికీ అంతుబట్టడం లేదని ఆక్షేపించింది. 

కాగా పీపీఏ నిర్ణయంపై రాష్ట్రం ప్రభుత్వం ఏమి చేస్తుందనే దానిపై ఆసక్తికరమైన చర్చ జరుగుతోంది. ఇప్పుడు రాష్ట్ర ప్రభుత్వం రద్దు చేసిన కాంట్రాక్టును మళ్లీ అదే సంస్థకు అప్పగించి చేసిన తప్పును దిద్దుకుంటుందా..? లేక తాను తీసుకున్న నిర్ణయానికి కట్టుబడి ఉంటుందా..? అనేదానిపై చర్చ సాగుతోంది. తాను తీసుకున్న నిర్ణయానికి కట్టుబడి ఉంటే...పీపీఏ అధారిటీ మళ్లీ టెండర్లుకు ఒప్పుకుంటుందా..? ఇప్పుడు తాజాగా టెండర్లు పిలిస్తే...ఖర్చు తడిసిమోపడ వుతుంది...? గత కాంట్రాక్టు సంస్థ 2014 రేట్ల ప్రకారమే పనులు చేస్తోంది. తాజాగా..ఇప్పుడు మళ్లీ టెండర్లు పిలిస్తే ఆ ధరకు పనులు చేసేందుకు ఎవరూ ముందుకు రారు. ఈ పరిస్థితుల్లో రాష్ట్ర ప్రభుత్వం ఏమి చేస్తుంధి..? కేంద్రం ఏం చేస్తుంది..? పోలవరం ప్రాజెక్టు నిర్మాణాన్ని రాష్ట్రం వదిలేసి కేంద్రానికి అప్పగించాల్సిన పరిస్థితులు స్పష్టంగా కనిపిస్తు న్నాయి. ప్రస్తుతం పీపీఏ అధారిటీ ప్రశ్నలు చూస్తే..ఇదే అనుమానం వ్యక్తం అవుతోంది. కాంట్రాక్టునురద్దు చేసిన 'జగన్‌' మళ్లీ అదే సంస్థకు కాంట్రాక్టును పునరుద్దరించరు..? మరో వైపు తాజా టెండర్లకు పీపీఏ ఒప్పుకోదు..ఈ నేపథ్యంలో మధ్యే మార్గంగా..పోలవరం నిర్మాణ బాధ్యతలు...కేంద్రం చేతికి వెళ్లే పరిస్థితి. మొత్తం మీద..అవినీతి.. అంటూ...'జగన్‌' చేస్తోన్న హడావుడి చివరకు ఆయనకు ఇబ్బందులు తెచ్చిపెడుతుందనే మాట సర్వత్రా వినిపిస్తోంది. 

(395)
  • (0)
  • -
  • (0)

అభిప్రాయాలూ