లేటెస్ట్

'యరపతినేని'పై సీబీఐ విచారణ...!

గురజాల మాజీ ఎమ్మెల్యే యరపతినేని శ్రీనివాసరావు కేసులపై విచారణను సీబీఐకి అప్పగించడం జరిగింది. బుధవారం మధ్యాహ్నం వైఎస్‌ జగన్‌ సర్కారు ఈ కీలక నిర్ణయం తీసుకుంది. కాగా.. పల్నాడులో ఆయన అక్రమంగా గనులను తవ్వి, వందల కోట్ల రూపాయలను వెనకేసుకున్నారని పెద్ద ఎత్తున ఆరోపణలు వచ్చిన విషయం విదితమే. అయితే వైఎస్‌ జగన్‌ అధికారంలోకి వచ్చిన తర్వాత ఈ కేసులు ఒక్కొక్కటిగా బయటికి తీశారు. జగన్‌ ప్రభుత్వంలో ఇదే తొలి సీబీఐ విచారణ.కాగా... ఈ దాచేపల్లి అక్రమ మైనింగ్‌ కేసు సీబీఐకి అప్పగిస్తున్నట్లు అడ్వొకేట్‌ జనరల్‌ హైకోర్టుకు తెలిపారు. యరపతినేనిపై ఆరోపణలు తీవ్రమైనవని కోర్టుకు సర్కార్‌ నిశితంగా వివరించింది. ఈ సందర్భంగా.. యరపతినేని అక్రమ మైనింగ్‌ కేసును సీబీఐకి ఇవ్వాలంటూ ప్రభుత్వం నిర్ణయించిందని.. ఇకపై సీబీఐ ఈ కేసును చూసుకుంటుందని అడ్వొకేట్‌ జనరల్‌ హైకోర్టుకు తెలిపారు.ఇదిలాఉంటే... యరపతినేనిపై రాజకీయ కుట్ర జరుగుతోందని.. ప్రతీకార రాజకీయాల్లో భాగంగా ఆయన్ను తీవ్ర ఇబ్బందులకు ఇబ్బందులు పెడుతున్నారని తెలుగుతమ్ముళ్లు ఆరోపిస్తున్న విషయం విదితమే. అయితే.. ఈ ఆరోపణలన్నింటినీ తిప్పి కొట్టేందుకే జగన్‌ సర్కార్‌ ఈ కీలక నిర్ణయం తీసుకున్నట్లు సమాచారం.

(88)
  • (0)
  • -
  • (0)

అభిప్రాయాలూ