లేటెస్ట్

సుర‌క్షిత స్థానం కోసం వెతుకుతున్న ‘ప‌వ‌న్’...!

ప్ర‌స్తుతం జ‌న‌సేన అధినేత ప‌వ‌న్ క‌ళ్యాణ్ సినిమాల‌పైనే దృష్టి సారిస్తున్నారు. సార్వ‌త్రిక ఎన్నిక‌ల త‌రువాత ఆయ‌న రాజ‌కీయాల్లో అంత చురుగ్గా వ్య‌వ‌హ‌రించ‌డం లేదు. రాష్ట్రానికి చుట్ట‌పుచూపుగా వ‌స్తూపోతున్నారు. ప్ర‌జాస‌మ‌స్య‌ల‌పై అప్పుడ‌ప్పుడు స్పందిస్తున్నారు. రెండు నెల‌ల‌కో, మూడు నెల‌లోకో ఒక‌సారి వ‌చ్చి హ‌డావుడి చేయడం త‌రువాత మ‌రిచిపోవ‌డం అల‌వాటుగా మారింది. మ‌రీ ముఖ్యంగా బిజెపితో పొత్తు ఉంటుంద‌ని ప్ర‌క‌టించ‌న‌ప్ప‌టి నుంచి ఆయ‌న రాష్ట్ర రాజ‌కీయాలపై పెద్ద‌గా దృష్టి సారించ‌డం లేదు. తిరుప‌తి ఎన్నిక‌ల్లో బిజెపికి మ‌ద్ద‌తు ఇచ్చారు. వారి త‌రుపున ఒక రోజు ప్ర‌చారం నిర్వ‌హించి త‌రువాత క‌రోనా పేరుతో హైద‌రాబాద్ వెళ్లిపోయారు. మ‌ళ్లీ ఇటీవల ఆయ‌న అమ‌రావ‌తిలో ఒక రోజు ప‌ర్య‌టించారు. మ‌ళ్లీ ఆయ‌న ఎప్పుడు రాష్ట్రానికి వ‌స్తారో తెలియ‌దు కానీ..ఆయ‌న వ‌చ్చే ఎన్నిక‌ల్లో ఎక్క‌డ నుంచి పోటీ చేస్తార‌నే దానిపై రాజ‌కీయ‌వ‌ర్గాల్లో చ‌ర్చజరుగుతుంది. 


ప్ర‌స్తుత ప‌రిస్థితుల‌ను బ‌ట్టి ప‌రిశీలిస్తే 2024లో జ‌ర‌గ‌బోయే అసెంబ్లీ ఎన్నిక‌ల్లో ఆయ‌న ఖ‌చ్చితంగా బిజెపితో క‌ల‌పిపోటీ చేస్తారు. అయితే ఆయ‌న ఎక్క‌డ నుంచి పోటీ చేస్తార‌నే విష‌యంపై స్ప‌ష్ట‌త లేదు. గత సార్వ‌త్రిక ఎన్నిక‌ల్లో ఆయ‌న విశాఖ‌ప‌ట్నం జిల్లాలోని గాజువాక‌, ప‌శ్చిమ‌గోదావ‌రి జిల్లా భీమ‌వ‌రం నుంచి పోటీ చేశారు. అయితే ఆ రెండు నియోజ‌క‌వ‌ర్గాల్లో ఆయ‌న ఘోర‌ప‌రాజ‌యం పొందారు. గాజువాక‌లో ఆయ‌న వైకాపా అభ్య‌ర్థి తిప్ప‌ల నాగిరెడ్డితో త‌ల‌ప‌డి 16543 ఓట్ల తేడాతో ఓడిపోయారు. త్రిముఖ పోటీలో వైకాపా అభ్య‌ర్థికి 78,539 ఓట్లు రాగా, ప‌వ‌న్ క‌ళ్యాణ్ కు 59,000, టిడిపి అభ్య‌ర్థి ప‌ల్లా శ్రీ‌నివాస‌రావుకు 52,642 ఓట్లు వ‌చ్చాయి. టిడిపి, వైకాపా బ‌లంగా ఉన్న ఈ నియోజ‌క‌వ‌ర్గంలో ప‌వ‌న్ మ‌ళ్లీ పోటీ చేసే సాహ‌సం చేయ‌ర‌నే మాట వినిపిస్తోంది. ఆయ‌న అక్క‌డ ఓడిపోయిన త‌రువాత మ‌ళ్లీ ఆ నియోజ‌క‌వ‌ర్గ ఛాయ‌ల‌కు వెళ్ల‌లేదు. 


కాగా ఆయ‌న పోటీ చేసిన మ‌రో నియోజ‌క‌వ‌ర్గ‌మైన భీమ‌వ‌రంలోనూ ఆయ‌న త్రిముఖ పోటీని ఎదుర్కొని ఓడిపోయారు. ఇక్క‌డ కూడా ఆయ‌న‌కు రెండో స్థాన‌మే ల‌భించింది. వైకాపా అభ్య‌ర్థి గ్రంధి శ్రీ‌నివాస్ ఇక్క‌డ ప‌వ‌న్ ను ఓడించారు. ప‌వ‌న్ తో స‌మానంగా ఇక్క‌డ టిడిపి కూడా ఓట్లు సాధించింది. అంటే గ‌తంలో ప‌వ‌న్ పోటీ చేసిన రెండు చోట్లా రాబోయే ఎన్నిక‌ల్లోనూ గ‌ట్టిపోటీ ఉంటుంది. కాగా వ‌చ్చే ఎన్నిక‌ల్లో బిజెపితో క‌ల‌పిపోటీ చేస్తాన‌ని ఆయ‌న చెబుతున్న నేప‌థ్యంలో ఆయ‌న సుర‌క్ష‌తమైన స్థానం కోసం వెతుకుతున్నార‌నే మాట వినిపిస్తోంది. బిజెపితో క‌ల‌సిపోటీ చేస్తే ఆ  పార్టీపై ప్ర‌జ‌ల్లో ఉన్న వ్య‌తిరేక‌తం ప‌వ‌న్ పై ఖచ్చితంగా ప‌డుతుంది. ఇటువంటి ప‌రిస్థితుల్లో సుర‌క్షిత‌మైన స్థానం కోసం ఆయ‌న ప్ర‌య‌త్నాలు చేస్తున్నార‌నే ప్ర‌చారం సాగుతోంది. స్వంత సామాజిక‌వ‌ర్గం ఎక్కువ‌గా ఉన్న ప‌శ్చిమ‌గోదావ‌రిలో ఆయ‌న‌కు, ఆయ‌న అన్న చిరంజీవి, మ‌రో అన్న నాగ‌బాబుకు ఎదురుదెబ్బ‌లు త‌గిలిన నేప‌ధ్యంలో ఆయన ఎక్క‌డ నుంచి పోటీ చేస్తే గెలుస్తార‌నే దానిపై ఇప్ప‌టి నుంచే ఆయ‌న టీమ్ దృష్టి పెట్టింద‌ని ప్ర‌చారం జ‌రుగుతోంది. కృష్ణా, గుంటూరు జిల్లాల్లో త‌న స్వంత సామాజిక‌వ‌ర్గం ఓట్లు ఎక్కువ‌గా ఉన్న‌చోట నుంచి పోటీ చేస్తారని కొంద‌రు విశ్లేష‌కులు అంటున్నారు. ఎన్నిక‌ల‌కు మ‌రో రెండున్న‌ర సంవ‌త్స‌రాలు స‌మ‌యం ఉన్న ప‌రిస్థితుల్లో ఇప్ప‌టి నుంచే సుర‌క్షిత స్ధానం వెతుక్కోవ‌డం మంచిదేన‌ని వారు స‌ల‌హా ఇస్తున్నారు. 

  • ( 0)
  • -
  • ( 0)

అభిప్రాయాలూ