WWW.JANAMONLINE.COM

లేటెస్ట్

ఆస్ట్రేలియా ఓపెన్‌ నెగ్గిన 'సైనా'...!

స్టార్‌ షట్లర్‌ సైనా నెహ్వాల్‌ మరో పెద్ద టోర్నమెంట్‌లో విజయం సాధించింది. ఈ ఏడాది ఇంత వరకూ ఒక్కసారి కూడా సెమీఫైనల్‌ దాటలేకపోయిన 'సైనా' ఇప్పుడు ఆస్ట్రేలియా ఓపెన్‌ సూపర్‌ సిరీస్‌ టైటిల్‌ను కైవసం చేసుకుంది. ప్రపంచ 12వ ర్యాంకర్‌ అయిన 'సున్‌యు'పై గెలిచి ట్రోఫీని సాధించింది. ఆదివారం జరిగిన ఫైనల్‌లో సైనా 11-21, 21-14, 21-19తో చైనా క్రీడాకారిణిపై అద్బుత విజయాన్ని సాధించింది. తొలి గేమ్‌ లో అనవసర తప్పిదాలు చేసిన సైనా ఆ గేమ్‌ను కోల్పోయింది. ఆ తరువాత రెండో గేమ్‌లో పుంజుకుని అత్యంత నిలకడను ప్రదర్శించింది. ఈ గేమ్‌ ఆది నుంచి ఆధిపత్యం కొనసాగించిన సైనా ఆ గేమ్‌ను సాధించింది. ఆపై జరిగిన నిర్ణయాత్మక మూడో గేమ్‌లో సైనా పోరాడి గెలిచింది. చైనా క్రీడాకారిణి సున్‌ యు నుంచి తీవ్ర ప్రతిఘటనను ఎదుర్కొన సైనా కీలక దశలో ఆకట్టుకుని మూడో గేమ్‌ను స్వల్ప తేడాతో చేజిక్కించుకుంది.

(186)
  • (0)
  • -
  • (0)

అభిప్రాయాలూ