లేటెస్ట్

వాళ్లిద్ద‌రూ క‌లిసే చంద్ర‌బాబును ఓడించారు:ష‌ర్మిల‌

కెసిఆర్, జ‌గ‌న్ ల‌పై ష‌ర్మిల సంచల‌న వ్యాఖ్య‌లు


ఆంధ్ర‌ప్ర‌దేశ్ ముఖ్య‌మంత్రి వై.ఎస్.జ‌గ‌న్మోహ‌న్ రెడ్డి, తెలంగాణ సిఎం కెసిఆర్ లు ఇద్ద‌రూ కల‌సే చంద్ర‌బాబును గ‌త ఎన్నిక‌ల్లో ఓడించార‌ని, తెలంగాణ‌లో నూత‌న పార్టీ పెట్టిన వై.ఎస్.ష‌ర్మిల ఆరోపించారు. పార్టీ ఆవిర్భావ స‌భ‌లో ఆమె ప్ర‌సంగిస్తూ గత సార్వ‌త్రిక ఎన్నిక‌ల్లో ఈ ఇద్ద‌రూ క‌ల‌సి ఉమ్మ‌డి శ‌త్రువైన‌ టిడిపిని ఓడించార‌ని,  ఒక‌రినొక‌రు కౌగ‌లించుకున్నార‌ని, ఒక‌రి ఇంటికి మ‌రొక‌రు వెళ్లి బిర్యానీలు ఆర‌గించార‌ని, స్వీట్లు ఆర‌గించార‌ని, ఇప్పుడు నీళ్ల స‌మ‌స్య‌పై మాత్రం రెండు నిమిషాలు కూర్చుని మాట్లాడుకోలేరా..? అని ఆమె ప్ర‌శ్నించారు. చంద్ర‌బాబును ఓడించేందుకు అప్ప‌ట్లో కెసిఆర్, జ‌గ‌న్, మోడీలు క‌ల‌సి ప‌నిచేసిన సంగ‌తి అంద‌రికీ తెలిసిందే. 

ఇలా ఉమ్మ‌డి శ‌త్రువు విష‌యంలో ఒక‌రికొక‌రు ఎంతో ఇదిగా స‌హ‌క‌రించుకున్న‌వారు రాజ‌కీయ ప్ర‌యోజ‌నాల‌కోసమే కృష్ణా నీటి విష‌యంలో డ్రామాలాడుతున్నార‌నే విష‌యాన్ని ఆమె ప‌రోక్షంగా ప్ర‌స్తావించారు. అయితే నాడు చంద్ర‌బాబును ఓడించ‌డానికి అన్న‌ను గెలిపించ‌డానికి ష‌ర్మిల బాగానే ప‌నిచేశారు. బైబై బాబూ అంటూ, మ‌న‌రాజ‌ధాని అమ‌రావ‌త‌టా...?  దాని మోహం ఎలా ఉంటుందో తెలుసా..అంటూ నాడు ష‌ర్మిల ప్ర‌చారం చేశారు. నేడు అన్న‌తో విభేదాలు రావ‌డంతో నాడు కెసిఆర్, జ‌గ‌న్,లు చేసిన కుట్ర‌ల‌ను ఆమె ఇప్ప‌డు తెర‌మీద‌కు తెస్తూ కెసిఆర్, జ‌గ‌న్ ల‌ను ఇరుకున పెట్ట‌డానికి ప్ర‌య‌త్నిస్తున్నారు. మ‌రో వైపు తెలంగాణ‌లో ఉన్న టిడిపి సానుభూతిప‌రుల‌కు గాలం వేయ‌డానికే ఆమె జ‌గ‌న్, కెసిఆర్ లు చేసిన కుట్ర గురించి ప్ర‌స్తావిస్తున్నార‌నే అభిప్రాయం ప‌లువ‌ర్గాల్లో వ్య‌క్తం అవుతోంది. 

  • ( 0)
  • -
  • ( 0)

అభిప్రాయాలూ