లేటెస్ట్

‘జీరో’ జిల్లాల్లో ‘టిడిపి’ ప‌రిస్థితి ఏమిటి?

గ‌త సార్వ‌త్రిక ఎన్నిక‌ల్లో ఘోర‌ప‌రాభ‌వానికి గురైన టిడిపి ఇప్పుడిప్పుడే కోలుకుంటున్న‌ట్లు క‌నిపిస్తోంది. రాష్ట్రంలో ప‌లు జిల్లాల్లో టిడిపి నాయ‌కులు, కార్య‌క‌ర్త‌లు పార్టీ కార్య‌క్ర‌మాల్లో చురుగ్గా పాల్గొంటున్నారు. ప్ర‌జా వ్య‌తిరేక‌పాల‌నపై ఉద్య‌మిస్తున్నారు. ప్ర‌భుత్వం చేస్తోన్న అరెస్టుల‌కు భ‌య‌ప‌డ‌కుండా బ‌య‌ట‌కు వ‌స్తున్నారు. గ‌త ఏడాదిన్న‌ర నుంచి క‌రోనా వ‌ల్ల చాలా మంది టిడిపి నాయ‌కులు, కార్య‌క‌ర్త‌లు ఇళ్ల‌కే ప‌రిమిత‌మ‌య్యారు. అయితే ఇప్పుడిప్పుడే క‌రోనా కొంచెం నెమ్మ‌దించ‌డంతో వారు క్రియాశీలం అవుతున్నారు. సార్వ‌త్రిక ఎన్నిక‌ల్లో టిడిపి ఘోర ఓట‌మికి గురైన సంగ‌తి తెలిసిందే. రాష్ట్ర వ్యాప్తంగా ఆ పార్టీకి కేవ‌లం 23 సీట్లు మాత్ర‌మే వ‌చ్చాయి. మొత్తం 13 జిల్లాల్లో నాలుగు జిల్లాల్లో అయితే ఒక్క సీటు కూడా రాలేదు. టిడిపి జీరో సీట్లు సాధించిన ఆ జిల్లాల్లో ఇప్పుడు ప‌రిస్థితి ఎలా ఉందోనన్న చ‌ర్చ పార్టీ వ‌ర్గాల్లో జ‌రుగుతోంది.


గ‌త ఎన్నిక‌ల్లో కడ‌ప‌, క‌ర్నూలు, నెల్లూరు, విజ‌య‌న‌గ‌రం జిల్లాల్లో టిడిపికి ఒక్క‌టంటే ఒక్క‌సీటు కూడా రాలేదు. ముఖ్య‌మంత్రి వై.ఎస్. జ‌గ‌న్ స్వంత జిల్లా అయిన క‌డ‌ప‌లో టిడిపి నామ‌మాత్ర‌మైన పోటీ కూడా ఇవ్వ‌లేక‌పోయింది. మొత్తం 10 నియోజ‌క‌వ‌ర్గాల్లో వైకాపా విజ‌య‌కేత‌నం ఎగుర‌వేసింది. ఇక్క‌డ గెలిచిన ప్ర‌తి వైకాపా అభ్య‌ర్థికి 20వేల పైగానే మెజార్టీ వ‌చ్చింది. ఈ ఫలితాలను బట్టి చూస్తే ఇక్క‌డ టిడిపి నామ‌మాత్ర‌మైన పోటీ కూడా ఇవ్వ‌లేక‌పోయింది. రెండున్న‌రేళ్ల క్రితం జ‌రిగిన ఎన్నిక‌ల్లో ఉన్న ఊపు ఇప్పుడు ఉందా అంటే స‌మాధానం లేద‌నే చెప్పాలి. ఓట‌ర్లు నిర్లిప్త‌త‌తో ఉన్న‌ట్లు వారిని క‌దిలిస్తే తెలుస్తోంది. అధికార వైకాపా ప‌రిపాల‌న‌పై ప్ర‌జ‌లు అసంతృప్తిని వ్య‌క్తం చేస్తున్నారు. రెడ్డి, ఎస్సీ, ఎస్టీ, మైనార్టీలు ఇంకా పూర్తి స్థాయిలో అసంతృప్తి వ్య‌క్తం చేయ‌క‌పోయినా..వారు మాత్రం ప్ర‌స్తుత పాల‌న‌పై నిరాశ‌ను వ్య‌క్తం చేస్తున్నారు. అయితే ప్ర‌జ‌ల్లో ఉన్న అసంతృప్తిని, నిరాశ‌ను టిడిపి ఒడిసిప‌ట్ట‌లేక‌పోతోంది. క‌డ‌ప జిల్లాలో టిడిపికి బ‌ల‌మైన నాయ‌క‌త్వం లేక‌పోవ‌డంతో..ఇక్క‌డ గ‌త ఎన్నిక‌ల్లో ఉన్న ప‌రిస్థితే మ‌ళ్లీ క‌నిపిస్తోంది. రాబోయే రెండున్న‌ర సంవ‌త్స‌రాల్లో ప్ర‌భుత్వంపై మ‌రింత అసంతృప్తి, ఆగ్ర‌హం ప్ర‌జ‌ల్లో వ్య‌క్తం అయితే టిడిపి ప‌రిస్థితి కొంచెం మెరుగుప‌డ‌వ‌చ్చు. 


కాగా రాయ‌ల‌సీమ‌లోనే టిడిపికి జీరో వ‌చ్చిన మ‌రో జిల్లా క‌ర్నూలు. ఇక్క‌డ మొత్తం 14 నియోజ‌క‌వ‌ర్గాలు ఉంటే  ఒక్క క‌ర్నూలు స్థానంలో టిడిపి పోటీ ఇచ్చింది. మిగ‌తా 13 నియోజ‌క వ‌ర్గాల్లో వైకాపా అభ్య‌ర్థులు ఘ‌న విజ‌యం సాధించారు. క‌డప‌లో ఉన్న ప‌రిస్థితే ఇక్క‌డ కూడా ఉంది. ప్ర‌భుత్వంపై ప్ర‌జ‌ల్లో అసంతృప్తి ఉన్నా వాటిని టిడిపి నాయ‌కత్వం క్యాష్ చేసుకోలేక‌పోతోంది. కొంద‌రు నాయ‌కులు మాత్ర‌మే ఇక్క‌డ క్రియాశీల‌కంగా ప‌నిచేస్తుండా, మిగ‌తావారు నామ‌మాత్రంగా వ్య‌వ‌హ‌రిస్తున్నారు. జీరో వ‌చ్చిన మ‌రో జిల్లో నెల్లూరు. ఇక్క‌డ కూడా టిడిపి నాయ‌క‌త్వ స‌మ‌స్య ఉంది. 10 అసెంబ్లీ స్ధానాలు ఉన్న ఇక్క‌డ గ‌త ఎన్నిక‌ల్లో టిడిపి కేవ‌లం నెల్లూరు సిటీలో మాత్ర‌మే గ‌ట్టిపోటీ ఇచ్చింది. హోరాహోరి పోరులో ఇక్క‌డ వైకాపా అభ్య‌ర్థి ప్ర‌స్తుత జ‌ల‌వ‌న‌రులశాఖ మంత్రి అనిల్ కేవ‌లం 1988 ఓట్ల తేడాతో గెలుపొందారు. అయితే గ‌త ఎన్నిక‌ల్లో ఆయ‌న‌పై పోటీ చేసి ఓడిపోయిన మాజీమంత్రి నారాయ‌ణ ఇప్పుడు రాజ‌కీయాల‌కు దూరంగా ఉన్నారు. జిల్లా మొత్తం మీద టిడిపి ప‌రిస్థితి కొద్దిగా మెరుగు ప‌డినా స‌రైన నాయ‌క‌త్వం లేక ఇబ్బంది ప‌డుతోంది. పార్టీని విజ‌య‌తీరాల‌కు చేర్చే నాయ‌కుల కోసం అధిష్టానం అన్వేషిస్తోంది. 


జీరో వ‌చ్చిన మ‌రో జిల్లా విజ‌య‌న‌గ‌రంలో పార్టీ ప‌రిస్థితి రోజు రోజుకు మెరుగౌతోంది. జిల్లాలో టిడిపికి పెద్ద‌దిక్కుగా భావించే అశోక్ గ‌జ‌ప‌తి రాజును వైకాపా పెద్ద‌లు అవ‌మానించ‌డం, మాన్స‌స్ ట్ర‌స్ట్ వ్య‌వ‌హారాలు వైకాపాకు చెడ్డ‌పేరు తెచ్చిపెట్టాయి. ప్ర‌భుత్వ పాల‌న‌పై ప్ర‌జ‌ల్లో తీవ్ర అసంతృప్తి వ్య‌క్తం అవుతోంది. దీన్ని అవ‌కాశంగా చేసుకుని టిడిపి ప్ర‌జ‌ల్లోకి దూసుకుపోవాల్సి ఉండ‌గా అంత వేగంగా టిడిపి నాయ‌కులు వెళ్ల‌డం లేదన్న మాట వినిపిస్తోంది. మొత్తం మీద గ‌త ఎన్నిక‌ల్లో గుండు సున్నావ‌చ్చిన ఈ నాలుగు జిల్లాల్లో ఇప్పుడిప్పుడే టిడిపి ప‌రిస్థితి మెరుగుప‌డుతుంది. అయితే టిడిపి నాయ‌క‌త్వం వ‌చ్చిన అవ‌కాశాల‌ను వినియోగించుకోవ‌డంలో విఫ‌ల‌మవుతోంద‌ని, వ‌చ్చిన అవ‌కాశాల‌ను మెరుగుప‌రుచుకుంటే గ‌తంలో వ‌చ్చిన చేదు ఫ‌లితాలు రావ‌ని,   పైన పేర్కొన్న నాలుగు జిల్లాల్లో క‌నీసం 20 సీట్లు సాధించే ప‌రిస్థితులు ఉన్నాయి. మ‌రి టిడిపి ఎంత‌వ‌రకు స‌ద్వినియోగం చేసుకుంటుందో చూడాలి.

  • ( 0)
  • -
  • ( 0)

అభిప్రాయాలూ