రైతులకు గుడ్ న్యూస్.. గుంటూరులో 100 స్టాళ్లతో ఆధునిక రైతు బజార్
గుంటూరులోని కృష్ణనగర్‌లో రైతులకు, వినియోగదారులకు మరింత మెరుగైన సదుపాయాలు కల్పించే లక్ష్యంతో కొత్త రైతు బజార్ భవన నిర్మాణానికి శ్రీకారం చుట్టారు. రూ.2 కోట్ల వ్యయంతో నిర్మించనున్న ఈ రైతు బజార్‌కు కేంద్ర కమ్యూనికేషన్లు, గ్రామీణాభివృద్ధి శాఖ సహాయ మంత్రి Pemmmasani Chandra Sekhar శంకుస్థాపన చేశారు.
ఈ సందర్భంగా మంత్రి మాట్లాడుతూ రైతు బజార్‌లు ముఖ్యమంత్రి ఆలోచనల్లో భాగమైన ప్రజా ప్రయోజన కార్యక్రమాలని పేర్కొన్నారు. రూ.4 కోట్ల విలువైన స్థలంలో నిర్మాణం చేపడుతున్న ఈ భవనం 9 నెలల్లో పూర్తవుతుందని తెలిపారు. ఇందులో 30 డ్వాక్రా స్టాళ్లు, 60 రైతు స్టాళ్లు, 10 దుకాణాలు ఏర్పాటు చేయనున్నట్లు వెల్లడించారు. పార్కింగ్, మరుగుదొడ్లు, సౌకర్యవంతమైన నిర్వహణపై ప్రత్యేక దృష్టి పెట్టాలని అధికారులకు సూచించారు.
ఎమ్మెల్సీ Alapati Raja మాట్లాడుతూ అందరికీ చేరువలో రైతు బజార్ ఏర్పాటు కావడం సంతోషకరమన్నారు. ఎమ్మెల్యే Galla Madhavi మాట్లాడుతూ రెండు అంతస్తుల భవనంలో వంద స్టాళ్లు ఏర్పాటు చేయనున్నట్లు తెలిపారు. రైతులతో పాటు పండ్లు, పూల వ్యాపారులకు కూడా అవకాశం కల్పించాలని వ్యవసాయ మార్కెట్ కమిటీ చైర్మన్ కుర్రా అప్పారావు సూచించారు.
