కాకినాడలో దారుణం.. APSP కానిస్టేబుల్‌ను గొంతు కోసి హత్య

కాకినాడలో దారుణ ఘటన చోటుచేసుకుంది. గాంధీనగర్ ప్రాంతంలో నడుచుకుంటూ వెళ్తున్న APSP కానిస్టేబుల్ నాగేశ్వరరావుపై గుర్తుతెలియని వ్యక్తులు కత్తితో దాడి చేసి గొంతు కోసి హత్య చేసిన ఘటన తీవ్ర కలకలం రేపింది.

స్థానికుల సమాచారం మేరకు ఘటనాస్థలికి చేరుకున్న పోలీసులు, క్లూస్ టీమ్‌తో కలిసి పరిశీలనలు చేపట్టారు. మృతదేహాన్ని పోస్టుమార్టం నిమిత్తం ఆసుపత్రికి తరలించి కేసు నమోదు చేశారు.

హత్యకు సంబంధించిన సీసీటీవీ ఫుటేజీలను పోలీసులు సేకరించి పరిశీలిస్తున్నారు. పాత కక్షల నేపథ్యంలో ఈ దాడి జరిగిందా? లేక వ్యక్తిగత విభేదాల కారణమా? అనే కోణాల్లో దర్యాప్తు కొనసాగుతోంది.

ఈ ఘటనతో గాంధీనగర్ ప్రాంతంలో ఉద్రిక్త వాతావరణం నెలకొంది. స్థానికులు భయాందోళన వ్యక్తం చేస్తున్నారు. పోలీసులు నిందితుల కోసం ప్రత్యేక బృందాలతో గాలింపు చర్యలు చేపట్టారు.